Îngilistan Norveçê û Arjantin jî Swîsreyê di maçên fînala çarîkê de têk birin û derketin nîvefînalê.
Kûpaya Cîhanê ya 2026 FIFAyê di navbera 11ê Hezîranê û 19ê Tîrmeha 2026an de li Kanada, Meksîka û Dewletên Yekbûyî yên Amerîkayê (DYA) tê lidarxistin. Ev tûrnûvaya dîrokî bi 48 tîman û bi giştî 104 maçan, yekem car e ku Kûpaya Cîhanê ji aliyê 3 welatan ve mazûvaniya wê tê kirin. Kûpaya Cîhanê bi kelecanek mezin berdewam dike. Di tûrnûvayê de maçên fînala çarîkê bi dawî bû.
Duh şev di saet 00.00an de Norveç û Îngilistan hatin hemberî hev. 90 deqîqe 1-1 bi dawî bû. Gola Norveçê Andreas Schjelderup a Îngilistanê jî Jude Bellingham avêt. Maç 30 deqîqe hate dirêjkirin. Di deqîqeya 93an de Jude Bellingham gola xwe ya 2yemîn avêt û tîma xwe 2-1 pêş xist. Bi vê golê Îngilistan derket nîvefînalê.
Yek di maça fînala çarîkê de, di saet 04.00an de Arjantin û Swîsre hatin hemberî hev. Arjantîn di deqîqeya 10emîn de bi gola Mac Allister skorê kir 1-0. Di deqîqeya 67emîn Dan Ndoye gola Swîsre avêt û skorê kir 1-1. Di deqîqeya 72emîn de ji Swîsreyê Breel Embolo qerta sor xwar û Swîsre 10 kes ma. Maç 1-1 bi dawî bû û maç 30 deqîqe dirêj bû. Di demên dirêjiya maçê de deqîqeya 112an de Julian Alvarez Arjantînê gol avêt û Arjantîn 2-1 pêş ket. Bi ser navê Arjantînê dîqîqeya 120+1an de Lautaro Martinez derket li ser dike û skorê kir 3-1 û maç bi dawî bû.
Di maçên nîvefînalê de Fransa û Spanya dê di 14ê Tîrmehê de, di saet 22.00an de werin hemberî hev. Dê di 15ê Tîrmehê de jî Îngilistan û Arjantîn saet 22.00an de werin hemberî hev. Tîmên serbikevin dê derkevin fînalê. Fînal jî dê di 19ê Tîrmehê de bê listîn.
