Danişîna doza pitikê 18 mehî Mehmet Ûytun ê di 2009an de bi gaza îsotê jiyana xwe ji dest dabû li Edliyeya Cizîrê pêk hat. Dadgehê daxwaza girtina kujer Hakan Alkan careke din ret kir.
Li navçeya Cizîrê ya Şirnexê di sala 2009an de dema leşkeran êrîşî çalakiyê kiribûn gaza îsotê avêtibûn û zarokê 18 mehî Mehmet Ûytûn bi fîşeka gaza îsotê jiyana xwe ji dest dabû. Der barê bersûc Hakan Alkan de doz hatibû vekirin. Dadgehê bi sûcdariya “bi qezayê bûye sedema kuştinê” 3 sal 4 meh cezayê hepsê jê xwestibû û ceza hate xerakirin. Di danişîna berê de dadgehê biryara keşifkirina cihê bûyerê dabû. Malbat û parêzerê Aytun tevlî danişînê bûn. Danişînê bi tespitkirina nasnameyê dest pê kir. Piştî tespîtkirina nasnameyê bavê Mehmet Ûytun Turan Ûytun axivî û xwest bersûc bê cezakirin.
Piştrê jî parêzerê Mehmet Ûytun Yakup Guven parastin kir. Yakup Guven anî ziman ku ji 2009an vir ve doz berdewam dike û ji ber lêpirsîneke bi bandor nehatiyê kirin dozê dom kiriyê. Yakup Guven xwest kêmasiyên di dosyayê de bên temamkirin û bersûc bê girtin.
Parêzerê bersûc Meryem Kiliç ku bi rêya SEGBÎSê tevlî danişînê bû xwest kêmasiyên dosyayê bên temamkirin.
Şandeya Dadgehê daxwaza girtina bêrsûc rêd kir û ji bo ku ji Fermandariya Navçeya Cizîrê re careke din muzakerê bê nivîsandin biryar da. Danişîn taloqî 26ê Hezîranê kir.
