Komîsyona Kongreya ya DEM Partiya ya Amedê li avahiya xwe daxuyand ku wan ji ber ragihandina şehîdan û bernameyên bîranînan, navber daye xebatên xwe yên kongreyê rêxistina Amedê.
Komîsyona Kongreya ya DEM Partiyê ya Amedê li avahiya xwe ya navçeya Peyasê ya Amedê daxuyaniya çapemeniyê li dar xist. Di daxuyaniyê de endamên komîsyona kongreyê amade bûn. Daxuyanî ji hêla hevberdevkê Komîsyonê Rifat Ronî ve hat xwendin.
‘Kongreya DEM Partiyê ya Amedê ji ber bîranînan hat paşxistin’
Rifat Ronî da zanîn ku ew, weke Komîsyona Amadekar a Rêxistina Amedê, ji 15ê meha Tirmehê ya 2026an ve xebatên xwe yên Kongreyê dimeşînin û ev tişt gotin: “Di vê demê de Komisyona me bi gelek kesên ku ji aliyê rêxistin, sazî, dezgeh û gelê me ve hatibû pêsniyazkirin re hevditin kirin û di encama van hevdîtinan de gihist wê astê ku, di 13ê Îlonê 2026 Roja Yeksemê Kongreya Rêxistina Bajarê Amedê pêk bînin. Amedekariyên ragihandina kongreyê yên ji bo gel û raya giştî gihîştin asta temambûnê. Lê belê, ji ber agahiya ragihandina şehadeta bi sedan sehîdan û li seranserê Kurdistanê, rojên 10-11 û 12 Îlonê bernameya biranina şehidan tê lidarxistin komisyona me jî, ji ber van 3 rojên biraninê navber da xebatên xwe yên kongreyê û di heman demê de biryara paşvexistina Kongreyê da.”
‘Em bi hev re xewn, xeyal û armancên sehîdan û Serokê azad pêk bînin’
Rifat Ronî destnîşan kir ku ew tevahiya şehidên bi rêzdarî bi bîr tînin û wiha pê de çu: “Em li ber biraninên wan bejna xwe ditewînin, xemginiya malbat û tevaviya gelê xwe parve dikin û ji tevahiya malbatên xwe re sebir, sebat û sersaxiyê dixwazin. Li gori vê biryara komîsyona me, dê Kongreya Rêxistina Bajarê Amedê, 27ê Îlonê 2026 Roja yekşemê, Saet di 11:00an de, li ÇandAmedê were lidarxistin. Em bang li endam û rêveberên Saziyên Sivil, Partiyên Siyasî û ji heft heta heftê salî, tevahiya gelê xwe dikin ku, roja kongreyê bi ruhê pêvajoya “Aştî û Civaka Demokratîk” bi awayeki girseyi besdarî Kongreya me bibin û em bi hevre xewn, xeyal û armancên sehîdan, ên Serokê Azad, aştiya bi rûmet, jiyana azad û welatê azad, pêk bînin.”
