Navenda Nûçeyan – Çeteyên ku pişta xwe dispêrin Tirkiyeyê bi hawan û dronekê êrişî gundên Minbicê kirin. Li aliyê din gundên Til Demirê top baran kirin.
Meclisa Leşkerî ya Minbicê bi daxuyaniyekê ragihand ku artêşa Tirk û çeteyên girêdayî wê gundên Til Torîn, Biwêhîc û Kawiklî yên kantona Minbicê topbaran dikin. Meclisê diyar kir ku heya niha 10 guleyên hawnan li van gundan ketine. Di daxuyaniyê de hate zanîn ku balafireke bê mirov a bi çek gundê Dendeniyê yê rojavayê kantonê jî bomebaran kir. Agahiyên zêdetir nehatin standin.
Çeteyan li aliyê din gundê Tewîla yê bajarê Til Temirê ji aliyê artêşa Tirk û çeteyên wê ve tê topbarankirin. Artêşa Tirk û çeteyên girêdayî wê gundê Tewîla yê bajarê Til Temirê yê kantona Cizîrê bi obîsan topbaran dikin.
