Bi hatina biharê re yek ji berhem û bereketa axê kereng derketin û cihê xwe li ser tableyên esnafan ên bazaran girtin
Demsal bihar e. Bihar reng û ruyê xwe bi berhemên xwe dide xuyakirin. Dema bihar tê her der şîn dibe, gul û kulîlk vedibin. Ax zindî dibe û bereketa xwe bi mirovan re parve dike. Piştî demsala dirêj a zivistanê, zexîre û qûtê ku çavkaniya xwe ji axê digire, kêm dibe. Çavên mirovan li zindîbûna axê ye ku dîsa berhem û bereketa xwe bi wan re parve bike. Îsal her çend hişkesalî hebe jî xweza dîsa mirovan birçî nalêle. Yek ji berhemên axê yê biharê Kereng ku di meha Adar û Nîsanê de şîn dibe, reng û ruyê xwe li ser tableyên esnafan nîşan da. Gundiyan ku li Zozanên Qerejdaxê dijîn, kerengên ku ji Zozanên Qerejdaxê kom kirin, anîn bajêr. Kerengên Qerejdaxê êdî cihê xwe li ser tableyên esnafan girtin û reng û ruyê biharê nîşanî bajariyan da.
