Heyeta Wezîrê Parastinê yê Tirkiyeyê Yaşar Guler û Sefîrê Amerîkayê yê Enqereyê û Nûnerê Taybet yê Sûriyeyê Tom Barrack civiyan. Lê wêneyê civata wan bû cihê rexneyan.
Li ser hevdîtina Wezîrê Parastinê yê Tirkiyeyê Yaşar Guler û Sefîrê Amerîkayê yê Enqereyê û Nûnerê Taybet yê Sûriyeyê Tom Barrack di çapameniya alîgir ya Tirk de cihek berfireh girt. Derbarê navarokê de ji bilî çend agahiyên klasîk tiştek nehat dayîn lê derbarê xweşkirin û mezinkirinê de pir tişt hat kirin.
Tom Barrack li Enqereyê ‘meşruiyet’ da wezîr
Çapameniya aîlgir a Enqereyê di nûçeyên xwe de diyar kir ku Wezîrê Parastina Tirkiyêyê Yaşar Guler, Tom Barrack qebûl kiriye. Lê wêneya ku hat belavkirin vê gotinê red kir û rastiya qebûlkirinê derxist holê.
Di wêneyê de di serî de Sefîrê Amerîkayê yê Enqereyê Tom Barrack rûdinê, li hêla din jî Wezîrê Tirk Yaşar Guler û heyeta wî, li hêla din jî heyeta Tom Barrack rûdinên. Di wêneyê de Tom Barrack wek serok û sekreterê her du heyetan dertê pêş.
Ala Tirk û Sefîrê Amerîkayê temsîla heyetê nîşan dide
Di raya giştî de rexne li awayê rûniştina sefîr û wezîr hate kirin. Ev rexne wek rexneyên di cih de hatin analîzkirin. Rastiya wêneyê dide xwuyakirin ku ne Yaşar Guler, Tom Barrack qebûl nekiriye; Tom Barrac, Yaşar Guler qebûl kiriye. Wêne tu gotine ji kesîra nahêle û dibêje gelo ka kê kî qebûl kiriye.
Ala Tirkiyê li cihê xwe ye lê kesê li serî rûniştiye ji heyetan re serokotiyê dike ne Tirk e. Ew sefîrê Amerîkayê yê Enqereyê ye. Kî emsalê kî ye ne diyar e. Di wêneyê de sefîr ji wezîr mezintir e.
Wêne serdestiya sefîr pesend dike
Beriya vê jî Tom Barrack diyar kiribûn ku rêveberiya Amerîkayê meşruiyet daye Erdogan. Hêza ku meşruiyetê dide di vê wêneyê de baş xwe nîşan dide. Gelek derdor vê bi tundî rexne kir. Rexne di cih de ne. Taybet jî hin rêveberên CHPê runuştina wêneyê rexne kirin. Xuya ye ku dê ev rexne hê zêdetir bibin.
