Karavana Gelan di çarçoveya piştevaniya seferberiya giştî de dê serdana Rojavayê Kurdistanê bike.
Kolektîfa RîseUp4Rojava (Ji bo Rojava Rabe Serpiyan) ku ji komek rêxistinên şorşerger pêk tê di çarçoveya seferberiya giştî de bi qampanyaya Karavana Gelan banga çûyîna Rojava kir. Înîsiyatîfê bang li hemû şoreşgerên cîhanê kir ku ber bi Rojava ve derkevin rê. Di daxuyaniya li ser navê Karavan Gelan hatî kirin de wiha hate gotin: “Şoreşa Rojava di bin talûkeya tunebûnê de ye. Serokê rejîma cîhadîst a nû Colanî dixwaze ku Kurd û gelên Bakur Rojhilatê Sûriyê hemû tiştên înşakirîn teslîm bike. Em mirovên ji rêxistin, temen û zayendên cuda ên cîhanê, jin, ciwan, enternasyonalîst, rojnameger, mamoste, xebatkarên tenduristiyê, şoreşger, rêxistinên mafên mirovan ên navneteweyî, hemû kesên dixwazin jiyanek azad biafirînin, dixwazin ligel me bi konvoyekê ber bi sînorê Rojava ve bikevin rê.”
‘Hem biherikin dê sînor têk biçin’
Di daxuyaniyê de hate xwestin ku herikîna mirovan ber bi sînorên Rojava ve dest pê bike û ev tişt hatin gotin: “Dema em ji bo piştgiriya gelê Kurd û gelên Bakur Rojhilatê Suriyê ve biherikin Rojava dê hemû sinirên rejîmên otokratîk têk biçin. Niha divê me tev li wan bibin, destkeftiyên jin û mêrên wêrek di 2014an de li Kobanê afirandine biparêzin. Kobanê niha di bin dorpêçê de ye û çeteyên faşîst ên oldar dixwazin zeft bikin.”
Dê ji çar baskan derkevin rê
Li ser hesabên Înîsiyatîfê hate daxuyandin ku ji bo herikîna ber bi Rojava ve dê ji çar baskan meş destpê bike û ev agahî hatin dayîn: “Em dê li Bakur Rojhilatê Almanya, Başûr Rojavayê Alanya, Fransa, Îtalya, Yewnanîstan, Polonya û Slovakyayê kom bibin û piştre biçin Rojava.” Înîsiyatîfê ji bo piştgirî û tevlêbûna qampanyayê ev navnîşan weşanên, ‘Signal: @caravankoban.15 ya da +491521 782023 an jî [email protected] email weşandin.
