35 jinên Meksîkayî ji bo Mafê Hêviyê bixwazin ji Serokê Konseya Ewropayê Antonio Costa û Wezîrê Edaletê yê Tirkiyeyê Yilmaz Tûnç re daxwazname şandin.
35 jinên Meksîkayî di çarçoveya pêngava “Azadî ji Rêber Apo re” beriya niha gelek kampanyayên îmzeyan pêk anîn. Vê carê çalakiyeke hîn afirîner dan destpêkirin. Beşdaran hest û fikrên xwe yên li ser Rêberê Gelê Kurd Abdullah Ocalan bi gotinekê li kaxizekê nivîsîn û piştre jî ev gotin veguherandin helbesteke hevpar.
Jinan, bi rêya qenalên ragihandinê yên tevgerên xwe, piştî nîvro bi daxwaznameyekê kampanya mailê dan destpêkirin. Helbesta hevpar û daxwazname ji Sefaretxaneya Bilind a Tirkiyeyê ya li Meksîkayê, Konseya Ewropayê û Wezareta Edaletê ya Tirkiyeyê re tê şandin. Êvara Sêşemê jî bi beşdariya derdorên cuda kampanya tê berfirehkirin. Ji çalakgeran 3 jinan helbesta amadekirin bi dîmenekî parve kirin. Çalakî wê di 17ê Îlonê bi dawî bibe.
Daxwaznameya ku ji saziyên fermî re tê şandin bi vî rengî ye:
“Ji xaka ku weke Meksîkayê tê zanîn.
15ê Îlona 2025
Ji Serokê Konseya Ewropayê Antonio Costa û Wezîrê Edaletê yê Tirkiyeyê Yilmaz Tûnç re.
Weke jinên li Meskîkayê têdikoşin, ji bo mafê hêviyê ji lîderê gelê Kurd Abdullah Ocalan re bê naskirin û bê berdan em ji we daxwazê dikin.
Em piştgiriyê didin têkoşîna gelê Kurd a ji bo diyarkirina çarenûsa xwe û ji bo Abdullah Ocalan ji gelê xwe re tevlî lêgerîna çareseriyeke wekhev û siyasî bibe divê azad bibe, lewma em bi vê helbestê dengê xwe digihînin we.”
