Endamên jin ên Şaredariya Wargeha Penaberan a Mexmûrê bi msnasebeta roja 8ê Adarê Roja Jinên Cîhanê şitilên daran û nêrgiz çandin.
Bi munasebeta 8ê Adarê Roja Jinên Cîhanê endamên jin ên Şaredariya Wargeha Penaberan a Şehîd Rustem Cûdî (Mexmûr) şitlên dar û nêrgizan çandin. Vê sibehê endamên jin ên Şaredariya Mexmûrê li parka 4ê Nîsanê ya Abdullah Ocalan ji bo bersivdayîna diyariya Rêberê Gelê Kurd Abdullah Ocalan a ji bo jinan, şitlên daran û nêrgizan çandin. Hevseroka Şaredariya Mexmûrê Fatma Bîlen têkildarî çalakiyê axivî.
Fatma Bîlen di destpêka axaftina xwe de Roja Jinên Cîhanê li Abdullah Ocalan, jinên Kurd û tevahî jinên têkoşer pîroz kir û got: “Me ji bo bersivdayîna diyariya Rêbertî ku ji bo me jinan şandî şitlên daran û nêrgiz çandin. Roja 8ê Adarê roja vejinbûn û nûkirina jinan e. Ev roj li hemberî sîstema desthilatdar a ku jinê înkar dike ye, xwedîderketina li hebûna xwe ye. Em ê bi peyam û bangawaziya Rêber Apo di bin dirûşmeya ‘Jin, Jiyan, Azadî’ de pêşwazî li fîzîkî azadiya Rêber Apo bikin.”
Bi dirûşmeya ‘Bijî Serok Apo’ û ‘Jin Jiyan Azadî’ jin ji parqê veqediyan.
