• Kurmancî
  • Kirmanckî
  • |
  • Derbarê Me De
  • |
[email protected]
Ajansa Welat
18 MIJDAR 2026
Encamek nîn e
View All Result
  • ROJANE
    Çalakiya nobedê di roja 2yan de ye: Dê kî hesabê mirina girtiyên nexweş bide

    Çalakiya nobedê di roja 2yan de ye: Dê kî hesabê mirina girtiyên nexweş bide

    Ji Dadgeha Iraqê biryarek sosret: Biryara girtina Partiya Ciwanên Êzidî da

    Ji Dadgeha Iraqê biryarek sosret: Biryara girtina Partiya Ciwanên Êzidî da

    ‘Evîn Zapsû ro bi ro dihele’

    ‘Evîn Zapsû ro bi ro dihele’

    Dadgeha Federal a Iraqê qebûl nekir ku biryarên Parlamentoya Başûr bên rawestandin

    Dadgeha Federal a Iraqê qebûl nekir ku biryarên Parlamentoya Başûr bên rawestandin

    DEM Partiyê ji bo girtiya nexweş Evîn Zapsû serî li ÎHÎKê da

    DEM Partiyê ji bo girtiya nexweş Evîn Zapsû serî li ÎHÎKê da

    Li Abdananê di şermezarkirina mirina 13 karkeran de 6 kes hatin binçavkirin

    Li Abdananê di şermezarkirina mirina 13 karkeran de 6 kes hatin binçavkirin

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
  • ROJANE
    Çalakiya nobedê di roja 2yan de ye: Dê kî hesabê mirina girtiyên nexweş bide

    Çalakiya nobedê di roja 2yan de ye: Dê kî hesabê mirina girtiyên nexweş bide

    Ji Dadgeha Iraqê biryarek sosret: Biryara girtina Partiya Ciwanên Êzidî da

    Ji Dadgeha Iraqê biryarek sosret: Biryara girtina Partiya Ciwanên Êzidî da

    ‘Evîn Zapsû ro bi ro dihele’

    ‘Evîn Zapsû ro bi ro dihele’

    Dadgeha Federal a Iraqê qebûl nekir ku biryarên Parlamentoya Başûr bên rawestandin

    Dadgeha Federal a Iraqê qebûl nekir ku biryarên Parlamentoya Başûr bên rawestandin

    DEM Partiyê ji bo girtiya nexweş Evîn Zapsû serî li ÎHÎKê da

    DEM Partiyê ji bo girtiya nexweş Evîn Zapsû serî li ÎHÎKê da

    Li Abdananê di şermezarkirina mirina 13 karkeran de 6 kes hatin binçavkirin

    Li Abdananê di şermezarkirina mirina 13 karkeran de 6 kes hatin binçavkirin

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
Encamek nîn e
View All Result
Ajansa Welat
Encamek nîn e
View All Result

Ji TAJÊ û SMJÊ ji bo 54 sazî û dewletan name

Navenda Nûçeyan

18 MIJDAR 2026 - 13:53
Kategorî: JIN, MANŞET
A A
TAJÊ û SMJÊ di 17ê Tîrmehê de bi dirûşma “Ji bo azadî û edaletê, tu jî bibe dengê dîlgirtiyên fermanê” pêngavek dan destpêkirin. Di çarçoveya rêze çalakiyan de, 54 name ji bo dewlet, sazî û keseyetan re hat şandin.

Tevgera Azadiya Jinên Êzidî (TAJÊ) û Sîwana Meclîsên Jinên Êzidî (SMJÊ), daxwazkirina çarenûsa nêzî 3 hezar kesên êzidî, bi taybetî jin û zarokên ku ne diyar in û windane bên diyarkirin û ji bo zûtirin encamek serkeftî bi destbixin xwestin bi hevkariya saziyên navneteweyî, dewletên peywendîdar û aliyên berpirsyar, tîmeke taybet were avakirin. Her wiha ragihandin ku erkê vê tîma ku bê avakirin jî divê lêgerîna dîlgirtiyên Êzidî, zelalkirina çarenûsa wan û rizgarkirina wan be.

Nameya TAJÊ û SMJÊ ku bi sernavê “Ji bo dîlgirtiyên fermana 3.8.2014an em azadî û edaletê dixwazin” wiha ye:

“Ji bo rêzdar

Di 3yê Tebaxa 2014an de, li dijî civaka Êzidî fermaneke giran û hovane pêk hat. Ji wê rojê heta îro 12 sal derbas bûne. Di encama vê fermanê de nêzî 6.000 kesên Êzidî ketin destê rêxistina DAIŞê û hatin dîlgirtin.

Em wekî civaka Êzidî, bi taybetî jî wekî jinên Êzidî, girîngiyeke mezin didin mijara kesên me yên dîlgirtî ku heta îro çarenûsa gelek ji wan ne diyar e. Tevî derbasbûna 12 salan, hîn jî bi hezaran kes winda ne û çarenûsa wan nayê zanîn. Malbatên wan her roj û her sal bi hêviya rizgarkirina zarok, xizm û kesên xwe yên hezkirî li bendê ne.

Di van 12 salên borî de, li herêmên ku em lê dijîn, gelek guhertinên siyasî û leşkerî çêbûne û şerên cuda rû dane. Bi taybetî li Sûriyeyê ku gelek ji dîlgirtiyên Êzidî yên di destê DAIŞê de li herêmên wekî Îdlib û deverên din hatine ragirtin, rewşeke aloz û ne ewle heye.

Di şerên ku di mehên Çile û Sibatê yên îsal de rû dane, Kampa Holê hate belavkirin. Li gorî agahiyên me, di vê kampê de gelek jinên Êzidî yên dîlgirtî hebûn ku ji ber tirs û gefan nikaribûn nasnameya xwe ya Êzidî eşkere bikin. Piştî belavbûna kampê, çarenûsa van jinan hîn jî ne diyar e. Nayê zanîn ku ew bi ku ve hatine birin û di çi şert û mercan de ne. Ev pirsgirêk ne tenê bi Sûriyeyê ve sînordar e. Li welatên din, bi taybetî li Iraq û Tirkiyeyê jî hîn kesên Êzidî yên dîlgirtî hene ku çarenûsa wan divê were zelalkirin.

Em wekî Tevgera Azadiya Jinên Êzidî (TAJÊ), ji bo ku dengê van kesên dîlgirtî û malbatên wan bigihînin raya giştî û saziyên berpirsiyar, dest bi pêngava “Ji bo Edalet û Azadiyê, Tu Jî Bibe Dengê Dîlgirtiyên Fermanê” kiriye. Armanca me ew e ku bi derbasbûna salan re êş û azarên gelê me neyên jibîrkirin, çarenûsa dîlgirtiyan were zelalkirin, kesên dîlgirtî werin rizgarkirin û edalet were bicihanîn.

Em bawer dikin ku rizgarkirina dîlgirtiyên Êzidî ne tenê berpirsiyariya civaka Êzidî ye, berpirsiyariyeke mirovî, exlaqî û hiqûqî ya civaka navneteweyî jî ye. Heta îro, hîn nêzî 3.000 kesên Êzidî, bi taybetî jin û zarok, windane û çarenûsa wan ne diyar e. Ji ber vê yekê, em ji we daxwaz dikin ku piştgiriyê bidin pêngava me û ji bo çareserkirina vê pirsgirêka mirovî gavên berbiçav bên avêtin.

Di vê çarçoveyê de daxwazên me yên bingehîn ev in:

*Avakirina tîmeke taybet ji bo rizgarkirina dîlgirtiyan; Em daxwaz dikin ku bi hevkariya saziyên navneteweyî, dewletên peywendîdar û aliyên berpirsiyar, tîmeke taybet were avakirin. Erkê vê tîmê divê lêgerîna dîlgirtiyên Êzidî, zelalkirina çarenûsa wan û rizgarkirina wan be.

*Dadgehkirina sûcdarên DAIŞê bi sûcê jenosîdê; Em daxwaz dikin ku sûcdarên DAIŞê ne tenê bi sûcên terorîzmê, bi sûcên jenosîdê, sûcên li dijî mirovahiyê û kiryarên ku li dijî civaka Êzidî hatine kirin, li ber dadgehên berpirsiyar bên darizandin. Ji bo pêkanîna edaleteke rastîn, girîng e ku sûcên li dijî civaka Êzidî di çarçoveya hiqûqa navneteweyî de bên nirxandin û kesên berpirsiyar li gorî qanûnê bên darizandin.

*Avakirina komîsyoneke navneteweyî ji bo kesên winda û lêkolînên DNAyê; Em daxwaz dikin ku komîsyoneke navneteweyî ya taybet were avakirin, da ku bi rêya lêkolînên zanistî, tomarên nasnameyê û testên DNAyê çarenûsa kesên Êzidî yên winda were zelalkirin. Ev komîsyon dikare roleke girîng di nasîna kesên winda, peydakirin û vegerandina dîlgirtiyan û her wiha di bersivdayîna malbatên ku bi salane li bendê ne de bilîze.

*Bicihanîna berpirsiyariyên navneteweyî; Em ji dewletên ku jenosîda li dijî civaka Êzidî bi fermî nas kirine, daxwaz dikin ku vê naskirinê bi gavên pratîkî û berbiçav bidomînin.

Naskirina jenosîdê ne tenê helwesteke siyasî û exlaqî ye, lê her wiha berpirsiyariyên girîng di warê parastina mafên mexdûran, lêgerîna kesên winda, rizgarkirina dîlgirtiyan û pêkanîna edaletê de bi xwe re tîne. Ji ber vê yekê, em hêvî dikin ku dewlet û saziyên navneteweyî li gorî berpirsiyariyên xwe yên qanûnî û exlaqî tev bigerin û ji bo rakirina encamên vê jenosîdê gavên pêwîst biavêjin.

Em wekî Tevgera Azadiya Jinên Êzidî (TAJÊ) û Sîwana Meclisa Jinên Êzidî (SMJÊ), bi rêzdarî ji we daxwaz dikin ku piştgiriyê bidin vê hemleya me û ji bo rizgarkirina dîlgirtiyên Êzidî, zelalkirina çarenûsa kesên winda û pêkanîna edaletê bi me re hevkariyê bikin. Em bawer dikin ku bi hevkarî, berpirsyarî û hewildanên hevpar, dikare hêviya malbatên ku bi salane li benda kesên xwe ne, were zindîkirin. Her kesê ku hîn di dîlgirtiyê de ye, mafê azadiyê heye. Her malbateke ku kesên wê winda ne, mafê zanîna rastiyê heye. Her mexdûrekî jenosîdê mafê edaletê heye. Em hêvî dikin ku ev maf ne tenê di gotinan de bimînin, lê di pratîkê de jî werin bicîhanîn.”

Dewlet, sazî û kesayetên ku name ji wan re hatine şandin ev in;

ALMANYA

-Parlamentoya Federal a Almanyayê

-Wezareta Karên Derve ya Almanyayê

-Enstîtuya Almanî ya Mafên Mirovan

-Komîteya Mafên Mirovan a Parlamentoya Federal

SWÎSRE

-Encûmena Neteweyî ya Swîsreyê

-Wezareta Federal a Karên Derve

-Nûneriya Daîmî ya Swîsreyê li Neteweyên Yekbûyî li Cenevreyê

HOLANDA

-Meclîsa Nûneran a Holandayê

-Tîma Lêkolînên Sûcên Navneteweyî

BELÇÎKA

-Parlamentoya Federal a Belçîkayê

-Komîsyona Navwezaretî ya Hiqûqa Mirovî ya Navneteweyî

-Dozgeriya Federal a Belçîkayê

FRANSA

-Komîteya Karên Ewropî ya Parlamentoya Fransayê

AWÛSTÛRYA

-Serokwezîriya Federal a Awûstûryayê

-Wezareta Federal a Karên Ewropî û Navneteweyî ya Awûstûryayê (Beşa 1.7)

-Parlamentoya Awûstûryayê

SWÊD

-Parlamentoya Swêdê

-Wezareta Karên Derve ya Swêdê

-Rêveberiya Navendî ya Hikûmeta Swêdê

LUKSEMBÛRG

-Wezareta Karên Derve ya Luksembûrgê

-Wezareta Serokwezîrtiyê

-Rêveberiya Parlamentoya Luksembûrgê

PORTEKÎZ

-Wezareta Karên Derve ya Portekîzê

ERMENISTAN

-Wezareta Karên Derve ya Komara Ermenistanê

-Komîteya Mafên Mirovan a Parlamentoya Ermenistanê

-Mafparezê Gel ê Ermenistanê

-Beşa Hevkariya Navneteweyî ya Ofîsa Mafparezê Gel

AWUSTRALYA

-Komîsyona Mafên Mirovan a Awustralyayê

-Komîteya Parlamenterî ya Mafên Mirovan

-Komîteya Karên Derve û Bazirganî ya Senatoyê

-Komîteya Hevbeş a Karên Derve, Parastin û Bazirganî

-Balyozxaneya Awustralyayê li Bexdayê

KANADA

-Wezareta Karên Derve ya Kanadayê

-Komîteya Giştî ya Parlamentoya Kanadayê

ÎRLANDA

-Wezîra Karên Derve ya Îrlandayê – Helen McEntee

DEWLETÊN YEKBÛYÎ YÊN AMERÎKAYÊ

-Komîsyona Dewletên Yekbûyî ya Azadiya Olî ya Navneteweyî

YEKÎTIYA EWROPAYÊ

-Komîteya Daxwaznameyan a Parlamentoya Ewropayê

-Seroka Komîsyona Ewropayê – Ursula von der Leyen

NETEWEYÊN YEKBÛYÎ

-Ofîsa Komîseriya Bilind a Neteweyên Yekbûyî ji bo Mafên Mirovan

-Beşa Civaka Sivîl a Mekanîzmayên Taybet ên Mafên Mirovan ên Neteweyên Yekbûyî

-Encûmena Mafên Mirovan a Neteweyên Yekbûyî – Beşa Gilî û Gazincan

ISKOÇYA

-Hikûmeta Skotlandê

-Wezîra Wekheviyê û Pêşveçûna Navneteweyî

-Hevkariya Pêşveçûna Navneteweyî

-Komîsyona Mafên Mirovan a Skotlandê

WEZARETÊN KARÊN DERVE Û WEZÎRÊN WAN

-Îngilistan

-Luksembûrg

-Belçîka

-Swîsre – Wezîr: Beat Jans

-Ermenistan

-Almanya – Wezîr: Dr. Stefanie Hubig

-Portekîz – Wezîr: Rita Alarcão Júdice

-Kanada

-Fransa

Etîket: Sîwana Meclisa Jinên ÊzidîSMJETAJÊTevgera Azadiya Jinên Êzidî
Parve BikeTweetWhatsAppParve BikeParve Bike

Nûçeyên Din

TAJÊ xwest Iraq vîna îdarî û siyasî ya Êzidiyan nas bike

TAJÊ xwest Iraq vîna îdarî û siyasî ya Êzidiyan nas bike

12 MIJDAR 2026
Cîhan Celo: Di dîrokê de cara yekem Êzidî bi awayekî fermî tên naskirin

Cîhan Celo: Di dîrokê de cara yekem Êzidî bi awayekî fermî tên naskirin

7 MIJDAR 2026
Qurbaniyên fermanê dê heta 3yê Tebaxê bên bibîranîn

Qurbaniyên fermanê dê heta 3yê Tebaxê bên bibîranîn

23 TÎRMEH 2026
Vaye bersiva ‘Çima YPJ?’

Vaye bersiva ‘Çima YPJ?’

25 HEZÎRAN 2026
TAJÊ 19 jinên ku li Mûsilê hatibûn şewitandin bi bîr anî

TAJÊ 19 jinên ku li Mûsilê hatibûn şewitandin bi bîr anî

2 HEZÎRAN 2026
Encamnameya kongreya TAJÊ: Em ê bi sîstema komînan demokrasiyeke radîkal ava bikin

Encamnameya kongreya TAJÊ: Em ê bi sîstema komînan demokrasiyeke radîkal ava bikin

19 GULAN 2026

ÊN ZÊDE HATINE XWENDIN

  • Rûken Kilinç: Divê gorên Seîd Riza û hevalên wî bê eşkerekirin

    Rûken Kilinç: Divê gorên Seîd Riza û hevalên wî bê eşkerekirin

    Parve Bike
    Parve Bike Tweet
  • 89 sal derbas bû, çima cihê gora Seyîd Riza nayê eşkerekirin?

    Parve Bike
    Parve Bike Tweet
  • Li dijî bişaftina netew-dewletê modela çareseriyê: Entegrasyon

    Parve Bike
    Parve Bike Tweet
  • Tayîp Temel: Di demek nêz de rojnameger dê bikarin bi Rêber Ocalan re hevdîtinê bikin

    Parve Bike
    Parve Bike Tweet
  • Ji Wezareta Çandê bersivek sosret: Medreseya Feqiyê Teyran ne aîdî me ye

    Parve Bike
    Parve Bike Tweet
  • Ji zaroktiya xwe heta girtîgehê evîna hunerê: Divê Kurd afirîner bin

    Parve Bike
    Parve Bike Tweet
  • Li Sûrê paneleke watedar hate lidarxistin: Em ê bîra Sûrê biparêzin

    Parve Bike
    Parve Bike Tweet
  • Dikandar û karkerên li Stenbolê ji rewşa aboriyê bi gilî û gazinc in

    Parve Bike
    Parve Bike Tweet
  • Polîsan bi ser avahiya Weşanxaneya Belkiyê de girt

    Parve Bike
    Parve Bike Tweet
  • Du xwişk û sozek: Ji bo Kurdistanê têkoşiyan

    Parve Bike
    Parve Bike Tweet

Ajansa Welat, bi nûçeyên taybet, dosya, lêkolîn, dîmen û deng civakê agahdar û ronî dike.

Bi şîara agahiyên rast û objektif weşanê esas digire, li ser şopa heqîqetê agahiyan belav dike.

Ajansa Welat bi nûçe û naverokên xwe dibe deng û rengê welat.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

Encamek nîn e
View All Result
  • HEMÛ NÛÇE
  • ROJANE
  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • KIRMANCKÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne