Li Amedê ev jî hate dîtin; şofêrek dolmîşê ji ber germahiya zêde klîmaya avê xist hundirê dolmîşê û bi vê rêbazê hundirê dolmîşê hînik dike.
Li Amedê van rojan tîna germahiyê derketiye 40 dereceyî û germek zêde heye. Di meha Tîrmehê de her ku diçe germahî zêde dibe û di mehên Tîrmeh û Tebaxê de hin rojan germahî derdikeve derdora 50 dereceyî. Bi taybetî hundirê dolmîş û otobûsên nav bajêr ku bêklîma ne, gelek germ e. Şofêrên dolmîşan ji ber germê bêalternatîf namînin û ji bo rê li ber gilî û gazinên rêwiyan ango xelkê bigirin, klîmayên avê dixin dolmîşan.
Şofêrek dolmîşa ku sefera nav bajêr dike, serî li alternatîfek din da û klîmayek avê xist dolmîşa xwe ku hundirê dolmîşê hînîk bibe.
Ev klîma bi avê hundir hînik dike û şofêr ceyrana wê jî girê daye akûya dolmîşê. Ev rêbaza ku şofêr bikar aniye, nû tê dîtin û ev yek dibe ku gelek şofêrên din jî heman rêbazê bikar bînin.
Rêwiyên ku dikevin dolmîşê jî dema klîmayê dibînin, vê yekê bi kêfxweşî pêşwazî dikin.
