Li Strasbûrgê zêdeyî sed hezar kesî bi şîara, “Azadî ji Rêber Apo re, statû ji Rojava re” dimeşe. Ligel baranê jî girseya bi heybet bi pankartên azadiya Abdullah Ocalan û statûya Rojavayê Kurdistanê dixwazin û bi sloganen dilsoziya wan tîne ziman ber bi qada mitîngê ve dimeşin. Girseya bi merşên şoreşê û neteweyî coşa berxwedanê tîne ziman bi sloganan hêrsa li dijî Komployê diqêrin. Di mitîngê de peyama Heserokê Konseya Rêveber a KCKê Cemîl bayik hate xwestin, nûnerên YNK, KNK, Goran, PYD, PJAK û nûnerên partiyên Ewropayî axivîn. Di axaftinan de komplo hate şermezarkirin, azadiya Ocalan û statûya Rojava hate destnîşankirin.
Sazî û dezgehên Kurdistanî yên li Ewropayê bi armanca şermezarkirina Komploya Navneteweyî ya 15ê Sibatê, daxwazkirina azadiya fîzîkî ya Rêberê Gelê Kurd Abdullah Ocalan û statû xwestina ji bo Rojavayê Kurdistanê bi şîara, “Azadî ji Abdullah Ocalan re, statû ji Rojava re” li gelek welat û bajarên Ewropayê meş û mitîn li daxistin. Mitînga navendî îsal li bajarê Srtasbûrgê yê Fransayê hate li dardixin. Ji gelek welatên Ewropayê bi hezaran Kurdistaniyan berê xwe dan Strasbûrgê. Bi deh hezaran kes ji bo beşdariya meşê li Boulevard de Lyonê kom bûn. Kurdistaniyên ji gelek bajar û welatên cuda hatîn pankartên xwe vekirin û rengên Kurdistanî rakirin.
Kolanên Strasbûrgê bi rengên Kurdistanî xemilîn
Girseya kom bi kom herikî Boulevard de Lyon alên rêxistin û partiyên Kurdan, pankartên daxwaza azadiya Ocalan û statûya Rojava dikin rakirin. Bi sedan posterên mezin û biçûk ên Rêberê Gelê Kurd Ocalan, alên YPG, YPJ, alên Kurdistana Federal û Rêveberiya Xweser a Rojava hatin vekirin. Girseya pankartên, “Ji bo Rêber Apo Azadî, ji bo Rojava Statû” û “Bijî berxwedana Rojava” vekirin, sloganên, “Yek e yek e yek e Kurd yek e”, “Rovava Rojhilat e Kurdistan yek welat e”, “Bijî Serok Apo”, “Bê Serok jiyan nabe”, “Bijî berxwedana Rojava”, “Bijî Kurdistan” û “Jin jiyan azadî” berz kirin.
Ligel barana giran dimeşin
Meşa li Boulevard de Lyon destpê kir ber bi Qada Place de Êtoîle ve meşiya. Di meşê de bênavber sirûdên şoreşê bi megafonan tên berzkirin û girse jî tev li gotina sirûdan dibe. Her wiha gel bi yek dengî tev li sloganên tên anonskirin dibe. Beşdar ji bo xwe ji baranê biparêzin sêwanan vedikin û meşê didomînin. Piştî gihiştina girseyê ya Qada Place de Etoîleyê mitîngê dest pê kir. Axaftina mitîngê ji hêla Nûnerên TJK-Eyê Selman Sûrer û Engîn Sever ve hate kirin. Sûrer û Sever silav dan gel û bi boneya berxwedana wan silav kirin. Piştî axaftina vekirinê Parlementerê Rihayê yê DEM Partiyê Omer Ocalan axivî. Omer Ocalan balişand ser Komploya Navneteweyî ya 15ê Sibatê û diyar kir ku di encama têkoşîna gelê Kurd de komplo hatiye pûçkirin. Omer Ocalan bi bîr xist ku gelê Kurd ji bo xwedî derketina Rojava û destnîşankirina azadiya Rêberê Gelê Kurd Abdullah Ocalan berxwedanek mezin meşandiye û encamên girîng girtine.
Bayik hitabî girseyê kir: Divê herkese ji bo azadiya Rêber Apo têbikoşe
Piştî axaftinê sînevîzyonek Rêberê Gelê Kurd Abdullah Ocalan vedibêje hate pêşandan. Di dema nîşandana sînevîzyonê de gel bi yek dengî slogana, “Bijî Serok Apo” berz kir. Li dû sînevîzyon peyama vîdeoyê ya Hevserokê Konseya Rêveber a KCKê Cemîl Bayik hate guhdarkirin. Bayik di peyama xwe de nirxandin li ser Komploya Navneteweyî ya 15ê Sibatê kir û têkiliya wê ya bi Komploya 6ê Çile li dijî Rojava pêk hatî danî holê. Bayik bi boneya berxwedana destanî ya gelê Kurd ji bo Rojavayê Kurdistanê meşandî silav kir û daxuyand ku bi têkoşînê her tişt tê bi destxistin û parastin. Bayik bang li herkesî kir ku ji bo azadiya Abdullah Ocalan û statûya Rojava têbikoşe.
Karamûs: Komplo hêj berdewam dike
Di mitîngê de Hevserokê KNKê Ahmet Karamûs jî axaftinek kir û Komploya 15ê Sibatê şermezar kir. Karamûs anî ziman ku hêzên hegemonîk û herêmî xwestine Komploya 15ê Sibatê cardin dubare bikin û êrişên li ser Rojavayê Kurdistanê destnîşankirin. Karamûs wiha got: “Komplo heta astekê hatine asteng kirin. Ev yek bi saya têkoşîna gelê Kurd a bêhempa pêk hatiye. Lê hêj êriş û komplo neqediyan e. Talûke berdewam dike. Dewletên dagirkerên Kurdistanê her tim di nav êrişan de ne û divê gelê Kurd jî li ser esasê yekîtiya neteweyî têkoşînê mezin bike.” Karamûs anî ziman ku bi berxwedana li derdora Rojavayê Kurdistanê yekîtiya gelê Kurd pêk hatiye û xwest ku ev yekîtî zêdetir vegere yekîtiyeke siyasî.
Nûnerê YNKê Şemal balkişnd ser yekîtiyê
Ji Partiya Ekolojî-Keskan Sandra Regol jî axaftinek kir û piştgiriya xwe ya ji bo gelê Kurd anî ziman. Segol êrişên li ser Rojava bi bîr xistin û polîtîkayên hêzên hegemonîk rexne kirin. Sergol derbirî ku dê piştgiriya ji bo gelê Kurd û nemaze ji bo Rojava bidomînin. Nûnerê YNKê Şêx Şemal jî di axaftina xwe de giranî li ser yekîtiya gelê Kurd rawestiya û balikşand ser girîngiya Rojavayê Kurdistanê. Şemal, Komploya Navneteweyî ya 15ê Sibatê jî şermezar kir û azadiya fîzîkî ya Rêberê Gelê Kurd Abdullah Ocalan xwest.
Parlementerê Tevgera Serbilind a Fransayê Emmanûel Fernandez têkoşîna gelê Kurd silav kir û anî ziman ku wekî dostek û hevgirek Kurdan dê piştgiriya xwe heta serkeftinê bidomînin. Fernandez jî polîtîkyên dewletên Ewropaye yên têkildarî Sûriyê rexne kirin û banga guherandina van pîlîtikayan kir. Nûnerê Tevgera Goran Mîran Saleh bi silavkirina gel dest bi axaftine xwe kir û Komploya 15ê Sibatê şermezar kir. Saleh îşaret bi berxwedan û hevgiriya gelê Kurd a ji bo Rojavayê Kurdistanê destnîşan kir ku ev yek wekî destkeftiyek mezin a netewî pênase kir.
Cîgira Şaredariya Strasbûrgê Hûlya Turan, Nûnera PYDê Mizgîn Ehmet û Nûnerê PJAKê Zargos Endeyarî jî di mitîngê de axivîn. Her sê axaftvanan jî Komplo şermezar kir û daxwaza azadiya fîzîkî ya Abdullah Ocalan kirin.
Li Marsîlyayê banga mezinkirina têkoşînê
Li bajarê Marsîlya yê Fransayê jî bi heman armancê meş û mitîng hate li darxistin. Kurdistanî û dostên wan Komploya 15ê Sibatê şermezar kirin û daxwaza azadiya Rêberê Gelê Kurd Abdullah Ocalan û statûya Rojavayê Kurdistanê kirin. Girseya pankartên daxwaza mafên Kurd dike hilgirt, sloganên dilsoziya wan a bi Ocalan û Rojavayê Kurdistanê re tîne ziman berz kirin. Di axaftinên hatin kirin de hate xwestin ku hemû Kurd ji bo azadiya Abdullah Ocalan û parastina Rojavayê Kurdistanê têbikoşin.
Piştî axaftinan Hunermend Comed û Nûarîn derketin ser dikê.
Li gelek welat û bajarên din ên Ewropayê jî bi heman armancê meş û mitîng hatin lidarxistin. Bajarên din ên ji bo şermezarkirina Komploya Navneteweyî ya 15ê Sibatê, xwestina azadiya Rêberê Gelê Kurd Abdullah Ocalan û statûya Rojavayê Kurdistanê daketine qadan wiha ne:
Siwêd
Li paytexê Siwêdê Stockholmê jî bi şîara, “Ji Ocalan re azadî ji Rojava re statû” meş hate li darxistin. Bi he zaran Kurdistanî û dostên Kurdan ji bo daxwaza azadiya Ocalan û statûya Rojavayê Kurdistanê meşiyan. Girseya bi pankarta, “Ji Rêber Apo re azadî ji Rojava re statû” meşiya, posterên mezin û biçûk ên Rêberê Gelê Kurd Ocalan, alên YPG, YPJ, alên Kurdistana Federal û Rêveberiya Xweser a Rojava hatin vekirin. Girseya pankartên, “Ji bo Rêber Apo Azadî, ji bo Rojava Statû” û “Bijî berxwedana Rojava” vekirin, sloganên, “Yek e yek e yek e Kurd yek e”, “Rovava Rojhilat e Kurdistan yek welat e”, “Bijî Serok Apo”, “Bê Serok jiyan nabe”, “Bijî berxwedana Rojava”, “Bijî Kurdistan” û “Jin jiyan azadî” berz kirin. Di axaftinên hatin kirin de Komploya 15ê Sibatê hate şermezar kirin û li dijî hemû cureyên komployê banga mezinkirina têkoşînê hate kirin.
Îtalya
Sazî û dezgehên Kurdistanî yên li Îtalyayê bi armanca şermezarkirina Komploya Navneteweyî ya 15ê Sibatê, daxwazkirina azadiya fîzîkî ya Rêberê Gelê Kurd Abdullah Ocalan û statû xwestina ji bo Rojavayê Kurdistanê bi şîara, “Azadî ji Abdullah Ocalan re, statû ji Rojava re” li paytext Romayê meş li darxistin. Ji gelek bajarên Îtalyayê bi hezaran Kurdistanî ji bo beşdariya meşê hatin Romayê. Girseyê posterên mezin û biçûk ên Rêberê Gelê Kurd Ocalan, alên YPG, YPJ, alên Kurdistana Federal û Rêveberiya Xweser a Rojava hatin vekirin. Girseya pankartên, “Ji bo Rêber Apo Azadî, ji bo Rojava Statû” û “Bijî berxwedana Rojava” vekirin, sloganên, “Yek e yek e yek e Kurd yek e”, “Rovava Rojhilat e Kurdistan yek welat e”, “Bijî Serok Apo”, “Bê Serok jiyan nabe”, “Bijî berxwedana Rojava”, “Bijî Kurdistan” û “Jin jiyan azadî” berz kirin. Di axaftinan de komplo hate şermezar kirin û soza azadiya Rêberê Gelê Kurd Abdullah Ocalan hate dayîn.
Avûsturya/Almanya/Norveç
Li paytextê Avûsturyayê Vîyanayê, li paytexta Norvecê Osloyê û li bajarê Hamburgê yê Almanyayê jî bi heman armancê meş hatin li darxistin. Bi deh hezaran Kurdistanî û dostên wan tev li van meşan bûn. Di meşan de pankartên daxwaza azadiya Ocalan û statûya Rojava dikin hatin vekirin. Di meşê de sloganên dilsoziya girseya bi Ocalan û Rojava ve tîne ziman hatin berzkirin. Girseyê posterên Abdullah Ocalan, alên YPG, YPJ û al rakirin.
