Amed – Danişîna doza Hevşaredara Hênê Besîle Narînê hat lidarxistin. Dozgerî xwest Besîle Narîn bê cezakirin.
Hevşaredara Hênê ya Amedê Besîle Narîn bi îdiaya “endamtiya rêxistinê” tê darizandin. Danişîna doza Besîle Narînê li 4emîn Dadgeha Cezayên Giran a Amedê hat lidarxistin. Besîle Narîn tev li danişînê nebû lê parêzerê wê Yûsûf Çakas amade bû.
Dozgerî, çalakî û xwepêşandanên Besîle Narîn di demên berê de tev li bûye weke hincet nîşan da û xwest bi îdiaya “endamtiya rêxistinê” bê cezakirin. Parêzer Çakas jî ji bo li dijî mutalaayê parastina miwekîla xwe bike, dem xwest.
Dadgehê daxwaza Çakas qebûl kir û danişîn taloqî 18ê Adarê kir.
