Konseya Bajar a Florensa ya Îtalyayê hemwelatiya rûmetê da aktîvîsta mafên mirovan Pexşan Ezîzî.
Kampanyaya Azadî ji bo Pexşan Ezîzî, diyar kir ku heya niha 413 hezar û 500 kesan ji bo betalkirina cezayê darvekirinê yê Pexşan Ezîzî, name ji serokê dadweriya Îranê re şandine. Piştî wê Konseya Bajar a Florensa ya Îtalyayê ji bo aktîvîsta mafên mirovan Pexşan Ezîzî mafê helwelatîbûna rûmetê da. Konseya Bajar a Florensa bi yek dengî mafê rûmetê yê welatîbûnê erê kir. Parêzerê Pexşan Ezîzî Mazîar Tataeî li ser hesabê xwe yê medya tijîtal peyamek parve kir û anî ziman ku Konseya Bajar a Florensa ya Îtalyayê bi dengê hevpar biryara welatibûna rûmetê dane Pexşan Ezîzî, Parêzer Mazaî anî ziman ku ev biryar teyîd dike ku Pexşan Ezîzî yek ji parazvanê mafên mirovan, zarokan û welatiyên li Rojhilata Navîn mafên wan têne binpêkirin. Parêzer Mazaî da zanîn ku bi vê biryarê hatiye diyar kirin ku Rejîma îranê bi awayekî neheq cezayê darvekirinê lê biriye û wiha got: “Pexşan Ezîzî bi salan ji bo aştî û mafên mirovan têdikoşe. Îro bi vê têkoşîna xwe bû sembola berxwedan û têkoşînê. Konseya Florensa bi vê biryara xwe nîşan dide ku bi wêre di nava piştevanî û şêwirmendiyê de ye.
