Hûsiyên li Yemenê ragihandin ku wan balafireke şer a F-15 a Erebistana Siûdî li ser wîlayeta Maribê xistine.
Berdevkê leşkerî yê Hûsiyan Yahna Saree diyar kir ku balafira şer a F-15 bi fuzeya ji bejahî diavêje hewayê hatiye xistin ku fuze hilberîneke navxweyî ye.
Yahna Saree her wiha anî ziman ku balafirên şer ên Siûdî vê hefteyê zêdeyî 450 carî êrişên hewayî birine ser Yemenê.
Li gorî daxuyaniya Hûsiyan, di êrişan de balafirên şer ên bi tîpa F-15 û Typhoon hatin bikaranîn û Marib jî di nav de herêmên cuda yên Yemenê hatin bombekirin.
Hûsiyên ku Îran piştgiriya wan dike, jinûve giranbûna şerê bi hêzên hikûmetê ya li Yemenê re ku ji aliyê Erebistana Siûdî û qada navneteweyî ve tê naskirin, êrişên xwe yên li ser Riyadê zêde kirin.
