HSDê diyar kir ku tevî agirbesta di navbera wan û hikumeta demkî ya Şamê de heye, hikumeta demkî amadekariyên xwe yên leşkerî li herêmên Cizîr û Kobanê zêde dike.
Navenda Ragihandina ya Hêzên Sûriya Demokratîk (HSD) daxuyand ku hikumeta demkî amadekariyên xwe yên leşkerî li derdora herêmên Cizîrê û Kobanê zêde kirine. HSDê di daxuyaniya xwe de ev tişt gotin: “Tevî agirbestê di navbera me û hikumeta Şamê de heye, hikumet bi awayekî sîstematîk amadekariyên xwe yên leşkerî û rageşiya meydanî li herêmên Cizîrê û Kobanê didomîne. Sewqiyetên leşkerî û tevgerên lojîstîkî li wan herêman hatin şopandin. Bi vê kirina xwe ve zelal e ku dixwazin li herêmê aloziyê zêde bikin.”
‘HTŞ agirbestê binpê dike’
Di berdewama daxuyaniya xwe de HSDê diyar kir ku îro jî li herêma Cizîrê du êriş li dijî hêzên wan pêk hatine û wiha got: “Ev binpêkirina zelal a agirbestê ye. Her çiqasî hêzên me pabendî bendên agirbestê bûne, em diyar dikin ku amadekariyên leşkerî yên ji hêla hikumeta Şamê ve hatine kirin bi tevahî li dijî pabendbûnên wê ne. Ev yek hewldanên bimebest ên têkbirina agirbestê û dehfdana herêmê ber bi şerekî ve li şûna çareseriyên siyasî ye.”
‘HTŞ gefan li herêmê dixwe’
HSDê bal kişad ser metirsiyên pevçûnê yên li herêmê û ev tişt gotin: “Em bang li civata navneteweyî û aliyên eleqedar dikin ku bi lezgînî hewldanên xwe bikin da ku Şam pabendî agirbestê be û ji bo pêşîgirtina li van gavên rageşiyê bixebitin. Ji ber ku gefan li ewlehî û aramiya herêmê dixwin.”
divê aliyên eleqedar bi lezgînî hewldanên xwe yên pêşîgirtina li van gavan bikin.
