Wezareta Navxweyî ya Iraqê ragihand ku 71 baregehên girêdayî Hêzên Heşdî Şabî hatine girtin. Ev biryar di demekê de tê ku hikûmeta Bexdayê amadekariyan dike daku heta dawiya meha Îlonê, hebûna hêzên milîs bixe bin kontrola xwe.
Berdevkê Wezareta Navxweyî ya Iraqê, Mîqdad Mîrî, diyar kir ku hêzên ewlehiyê 71 baregehên Heşdî Şabî girtine. Ev pêngav wekî nîşaneya herî zelal a hewldanên hikûmeta Iraqê tê dîtin ji bo anîna hemû pêkhateyên çekdar di bin sîwana saziyên ewlekariya fermî yên dewletê de.
Berdevkê wezaretê bi awayekî eşkere hişyarî da ku her cure firandina dronan a bêdestûr dê wekî “karekî terorîstî” bê dîtin û kesên berpirs dê rastî cezayên giran werin.
Hate teqezkirin ku piştî dema diyarkirî, her çalakiyeke çekdarî ya li derveyî desthilata dewletê, dê rasterast li gorî “Qanûna Dijî Terorê” ya Iraqê bê cezakirin.
