Hêzên DYAYê li çoltara Reqayê li dijî DAIŞê dest bi operasyonê kir. CENTROMê jî bîlançoya salekê ya li dijî DAIŞê aşkere kir û destnîşan kir ku 119 endamên DAIŞê hatine girtin.
Hêzên DYAyê li gundê El Mastaha ya bajaroka Maadenê ya Reqayê li dijî DAIŞê dest bi operasyonê kir. Çavkaniyên herêmî diyar kirin ku li ser agahiya endamê DAIŞê Abdulkarim Mahmoud Al-Ahmed li herêmê hatiye dîtin, dest bi operasyonê kirine. Hêzên leşkerî yên DYAyê bi balafiran herêma operasyonê dan ber bomeyan.
Li gorî çavkaniyên Navenda Çavdêriya Mafên Mirovan a Sûriyeyê (SOHR) endamê DAIŞê Abdulkarim” li Gundê El-Mastaha di firinekê de kar dike û li ser navê DAIŞê xebatê dike.
CENTCOMê bîlançoya operasyonên li dijî DAIŞê aşkere kir
Fermandariya Navendî ya Amerîkayê (CENTCOM) daxuyaniyek li ser hesabê xwe yê Xê weşand. Di daxuyaniyê de bîlançoya ji Tîrmeha îsal (2025) û vir ve ya operasyonên li Sûriyeyê yên li dijî DAIŞ’ê hat aşkerakirin. Di daxuyaniyê de hate diyarkirin ku hêzên Amerîkayê, bi hevkariya hêzên hevkar, ji Tîrmehê vir ve nêzîkî 80 operasyonên leşkerî li dijî çeteyan pêk anîne ku bermahiyên DAIŞ’ê jî di nav de hene. CENTCOMê daxuyand di operasyonên hêzên DYAyê yên 6 mehên borî de 119 çeteyên DAIŞê hatin girtin, 14 jî hatin kuştin.
