Dadgeha Alman der barê Hevserokê KCDK-Eyê yê berê Yuksel Koç de biryara girtinê da û şandin girtîgeha Bremenê.
Hevserokê Kongreya Civaka Demokratîk a Kurdisaniyên li Ewropayê (KCDK-E) yê berê Yuksel Koç di 20ê Gulanê de li bajarê Bremenê yê Almanyayê di serdegirtina malê de hate binçavkirin. Îro jî li Karlruheyê danişîna doza Koç hat lidarxistin. Dadgehê, di çarçoveya xala 129ba têkildarî “Endamtiya rêxistinê” ya Qanûna Cezayê ya Alman, biryara girtinê da. Piştî biryarê, Koç şandin Girtîgeha Bremenê.
Dê biryarê îtîraz bikin
Parêzerên Yuksel Koç, diyar kirin ku darizandin bi saîkên siyasî hatiye kirin û dan zanîn ku dê li dijî biryarê îtîrazê bikin. Li hêla din, hat zanîn ku yekîneyên ewlehiyê yên Alman ji sala 2016an heta niha Koç dişopînin û danişîna dozê ya esasî dê li Dadgeha Bilind a Eyaletê ya Hamburgê bê lidarxistin.
