Amed – Îdareya Girtîgeha Erzînganê di 23ê Mijdarê de 3 girtî bi lêdanê sirgûnê girtîgehên cuda kirin.
Îdareya Girtîgeha Erzînganê di 23ê Mijdarê de 3 girtiyên siyasî ji ber ku li dijî zextên girtîgehê ketin çalakiya greva birçîbûnê, sirgunî girtîgehên cuda kirin. Di demên dawî girtiyên ku cezayên wan xelas bûne nayên berdan. Gef li girtiyan tê xwarin. Rayedarên girtîgehê zorê li girtiyên nexweş dike ku dema çûn nexweşxaneyê devê xwe vekin ku li devê girtiyan binerin. Dîsa li girtiyan lêgerîna tazî tê ferzkirin. Girtiyên li Girtîgeha Erzînganê bertek nîşanî vê yekê dan û çalakiya ketin çalakiya greva birçîbûnê.
Midûriyeta Girtîgehê piştî çalakiyê 3 girtî sirgûnî girtîgehênn cuda kirin.
Girtiyê bi navê Naîm Turkoz piştî hat sirgunkirin, bi telefonê agahî da malbatê ku hatiye sirgûnkirin û got: “Saet di 6.30an de gardiyan ketin menzelê. Bi lêdanê ez ji mezelê derxistim. Gotin em ê we mişext bikin. Em bi cilên şevê ewqas rê çû. Dema gihîştim girtîgeha Ewlehiya Bilind a Kirşehîrê leşkeran got ‘Em ê li hundirê devê we binerin’ û xwestin me tezî bikin. Lê min qebûl nekir. Li dijî vê yekê leşkeran tundiya fîzîkî li min kirin. Paşê xwest li ber alê wêneyên min bikşînin. Min dîsa qebûl nekir. Ji ber min ev sepan qebûl nekir, tundiya fîzîkî li ser min zêde kirin. Dema kontrola tendurustiyê hat kirin, bijîjkê girtîgehê jî rapora xwe girt. Lê bijîşkan di raporê de cih ne da tundiya li ser min hatiye kirin. Menzela (Ode) ku ez niha tê de me li korîdora girtiyên edlîne. Ev kesên li gel min kujerên jinan û bi sucên destdirêjiya li ser jinê hatine girtin. Pirsgirêkên van girtiyan ên derûnî hene.”
