Di pêşengtiya MEBYA-DERê de li Nisêbîna ji bo şehîdên Tevgera Azadiyê bernameye bîranînê tê lidarxistin. Gelê Nisêbînê bi girseyî û berzkirina dirûşman ber bi cihê bîranînê ve meşiya.
Bi pêşengiya Komeleya Yekitî, Çand, Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirin e re (MEBYA-DER) ê li navçeya Nisêbînê ya Mêrdînê, ji bo gerîlayên HPG û YJA-Starê yên di dîrok û herêmên cuda de di têkoşîna azadiyê de jiyana xwe ji dest dane bîranîn hat lidarxistin. Bîranîn, li Qada Bazara Girtî ya li li kêleka Mala Şîne ya Şukru Akay a Goristana Haciyan hate li darxistin. Li cihê bîranînê li ser masayan wênêyên Şehîdên Azadiyê û gul hatin danîn.
Beriya biranînê girseya kombûyî bi meşê ber bi cihê bîranînê ve meş li dar xist. Bi sedan welatî tev li meşê bûn û pankartên “Şehîd rûmeta me ne”, “Tekoşîna wan rêya me ronî dike”; portreyên Rêberê Gelê Kurd Abdullah Ocalan û wêneyên Şehidan Azadiyê hatin hilgirtin.
Di meşa ber bi cihê bîranînî ve dirûşmên “Şehid namirin”, “Bijî Serok Apo” hatin berzkirin.
