Enqere – Serokkomarê Tirkiyeyê Recep Tayîp Erdogan pirsen rojnamegeran ên derbarê pêvajoya Aştî û Civaka Demokratîk de pirsîne bersivandin û got: “Îstîxbarata me ji bo çek zûtirin werin berdan karê xwe didomîne. Em bi biryar in ku nexşerêya komîsyonê diyar kiriye, têxin meriyetê.”
Serokkomarê Tirkiyeyê Recep Tayîp Erdogan dema vegerê ya Kazakîstanê, di balafirê de pirsen rojnamegeran bersivand. Tayîp Erdogan derbarê pirsa li ser pêvajoya Aştî û Civaka Demokratîk hatiye pirsîn anî ziman ku bi awayê çêker û çareseriyê, divê nexşerêya komîsyonê diyar kiriye têkeve meriyetê û got: “Îstîxbarata me ji bo çek zûtirin werin berdan karê xwe didomîne. Helbet weke xêrxwazên pêvajoyê hene dijberên pêvajoyê jî hene. Lê pêvajo tevî vê yekê jî bi rê ve çû. Em bi biryar in. Em ê dijberên vê pêvajoyê kêfxweş nakin. Em firsendê nadin van. Rêya me bi xêr e.”
Serokkomar Erdogan pirsa li ser metirsiya xitimandina pêvajoyê jî axivî û ev bersiv da: “Komîsyona me ya meclise li ser lihevkirineke nexşerêyek diyar kir. Xebatên bi hişmendiyeke çeker û çareseriyê tên pêşxistin divê bikeve meriyetê. Divê em bi awayekî berpirsyar tevbigerin.”
‘Destûra Bingehîn a nû pêdiviyeke bingehîn e’
Erdogan li ser pirsa amadekirina Destûra Bingehîn hatiye kirin jî ev bersiv da: “Destûra Bingehîn a nû her tim di rojeva me de ye û em ê soza xwe ya ku me dabû gel bi cih bînin. Me amadekariyên xwe temam kir û pêdiviyên welatiyan diyar kir. Siyaseta sivîl sererastkirinên qanûnan di çerçoveya Destûra Bingehîn a nû de dikare pêk were. Welatî dixwazin ji vê makazagona darbeyê rizgar bibin û Destûra Bingehîn ku hemû welatiyan dihewîne, azadiyê diparêze pêk were. Em nikarin vê daxwaza welatiyan paşguh bikin. Ji bo vê jî saziyên siyasetê berpirsyar in. Destûra Bingehîn a nû ne qenciyek e û pêdiviyeke bingehîn e. Ji bo vê jî em bang li siyasetê dikin û dibêjin werin em cudahiyên siyasî bidin aliyekî û em Destûra Bingehîn a ku hemû welatî karbin bêjin ‘ev Destûra Bingehîn a min e’ bi hev re ava bikin.”
