Encumena sivîl û serbixwe ya navçeya Amediyê ya Dihokê, ragihand ku rêya seyrangeha “Berî Sîlî” ji aliyê dewleta Tirkiye û bi hevkariya PDKê hatiye girtin, were vekirin.
Encumena sivîl û serbixwe ya navçeya Amediyê ya ser bi parêzgeha Dihokê, bi daxuyaniyekê xwest rêya seyrangeha “Berî Sîlî” ya li Amêdiyê ku ji aliyê dewleta Tirkiyeyê û PDKê ve hatiye girtin, were vekirin.
Encumena Amediyê diyar kir ku wan ji bo parastina kevneşopiyên dîrokî û xizmeta welatiyan, daxwaznameyek bi fermî pêşkêşî aliyên peywendîdar kirine. Li gorî encumen dibêje di 1ê Gulanê de wê bi hezaran kes ji bo pîrozkirina cejnek herêmî berê xwe didin wê derê.
Di daxuyaniyê de hate gotin ku ev encumen ji nûnerên hemû malbatên resen û cuda yên Amediyê pêk tê û saziyeke sivîl û serbixwe ye, erka wan a sereke gihandina pirsgirêk û daxwazên xelkê ye bo aliyên berpirse.
Di dewama daxuyaniyê de hate gotin; ‘‘Di nava çend salên borî de, ev rê bi awayekî sereke ji aliyê artêşa Tirkiyeyê ve hatiye girtin. Ev kar bi hevahengî û hevkariya Partiya Demokrat a Kurdistanê (PDK) wekedesthilata îdarî ya herêmê hatiye kirin, herêm li ser xelkê sivîl hatiye qedexekirin û kirine herêmeke leşkerî. Girîngiya seurangeya Berî Sîlî ji bo xelkê Amediyê û 1ê Gulanê ne tenê geşte, lê nasnameya çandî ya bajêre.”
Encûmenê ev daxwaz kirin:
1- Divê hikûmeta herêmê û îdareya deverê dawî li wan astengiyên leşkerî bînin ku ji aliyê artêşa Tirkiyê ve li ser herêmê hatine sepandin.
2- Divê rê bê dayîn ku xelk bi azadî bigihin seyrangeha bav û kalên xwe û wek herêmeke sivîl muamele pê re bê kirin, ne leşkerî.
3- Divê rê ji paşmayiyên şer û astengiyên lojîstîk bê paqijkirin.
