Navenda Nûçeyan – Berdevka Înîsiyatîfa Azadiya Rêber Apo ya Kobanê Eyşe Efendî têkildarî armanca xebatên înîsiyatifê agahî dan û destnîşan kir ku ew bi înîsiyatifê dixwazin fikr û felsefeya Rêberê Gelê Kurd Abdullah Ocalan di nava hemû civakê de belav bikin.
Di 18ê Gulanê de Navenda Şaxê Kantona Firaêt ya Înîsiyatîfa Sûriyeyê ya Azadiya Rêber Abdullah Ocalan bi merasîmekê li bajarê Kobanê hat vekirin. Berê li Qamişlo û Helebê jî navendên Înîsiyatîfa Sûriyeyê ya Azadiya Rêber Abdullah Ocalan hatibûn vekirin. Têkildarî armanca Navenda Înîsiyatifa Azadiya Rêber Abdullah Ocalan Berdevka Înîsiyatifê Ayşe Efendî nirxandin kir.
Dixwazin Abdullah Ocalan nas bikin û bidin naskirin
Ayşe Efendî anî ziman ku bi vê xebatê dixwazin Rêberê Gelê Kurd Abdullah Ocalan bêtir nas bikin û bidin naskirin û wiha got: “Em dixwazin bi vê xebatê hem Serok Apo û hem jî hevalên wî nas bikin. Em dixwazin fikr û felsefeya Serok Apo bi her kesî bidin naskirin. Em dixwazin her kes li ser pirtûkên wî perwerde bibin. Bêtir serok bixwînin, fam bikin û felsefeya wî jiyanî bikin.”
Xebatên dîplomasiyê dikin
Ayşe Efendî li ser şaxên din ên înîsiyatifê jî rewastiya û wiha berdewam kir: “Li Qamişlo û Helebê Navendên Înîsiyatif heye. Bi taybet navendên me bêtir xebatên dîplomasiyê dikin. Bi taybet li Helebê me xwest li cihê ku ereb lê zêde ne înîsiyatifê vekin û fikr û jiyana Rêber Ocalan bi wan bidin naskirin û famkirin. Em dixwazin gel di perwerdehiya Rêber Apo re derbas bibe. Em ê bi vê xebatê di nava gel, meclis û hiqûqnasan de bixebitin.”
Divê zextan li hêzên komploger bikin
Ayşe Efendî, bal kişand ser xebatên navneteweyî jî û wiha pêde çû: “Kesên hiqûqnas û xelata nobelê girtine divê zext û tundiyê li ser kes û hêzên di komploya 15ê Sibatê de cih girtine, bikin. Divê di aliyê dîplomasî, siyasî û hiqûqi de zextan li wan bikn ku gavên çareseriyê bavêjin. Dîsa divê zextê li Dadgeha Mafên Mirovan a Ewropa û CPT bikin ku karibin bi erka xwe rabin. Çi li hundirê welat û çi li dervê welat divê erka xwe pêk bînin. Em dixwazin xwe bigînin hiqûqnas, xwendekar, bijîşk û hemû beşên civakê û ew jî zextê li rayedaren ewropa bikin.”
Em bi rola xwe rabin
Ayşe Efendî, anî ziman ku di sestpêkê de cezayê îdamê dan Rêberê Gelê Kurd Abdullah Ocalan û wiha lê zêde kir: “Me dikarîbû çalakiyên bi bandortir pêk anîbûna. Di çalakiyan de kon hatin vedan. Ketin greva birçîbûnê. Dema Rêber Ocalan hat girtin, bi sedan kesan li dora Rêber Abdullah Ocalan xwe kirin agir. Gelek calakiyên cuda pêk hatin. Van çalakiyan hişt ku cezayê darvekirinê raweste. Em dixwazin gel hîn bêtir ji nêzîk ve serok nas bike. Bêtir felsefeya Rêber Apo fam bikin. Bêtir li Serok xwedî derkevin. Di paraznameya xwe ya pêncemîn de gotibû “Dê pêvajoya siyasî û ya dîplomasî de dê di navbera gelê Kurd, Ereb û Tirkan de guhertinek çêbibe. Dê qebûlkirinek pêk bê. Dê di vê pêvajoyê de êş hebin. Di vê pêvajoyê de Sirri Sureya Onder şehîd bû. Ev doz divê baştir bê famkirin û her kes cihê xwe di vê pêvajoyê de cih bigirin. Divê rola ketiye ser me em têxin meriyetê. Di vê pêvajoyê de dê aliyê Tirkan gavên çawa bavêajin dê diyar bibe. Divê em destê aştiyê dirêj bikin û barên Serok sivik bikin. Divê em bi înîsiyatifê erka ku dikeve ser milê me rastir pêk bînin. Em dixwazin di çarçoveya înîsiyatifê de fikrên Rêber Apo bi her kesî bidin famkirin û naskirin.”
