Dewletên Yekbûyî yên Amerîkayê (DYA) êrişên xwe yên li dijî Îranê di şeva 12emîn de duh bi şev 5 saet bênavber domandin. Di êrişên de gelek navendên başûr û başurrojavayê Îranê bûn hedefên êrişan. Rayedarên Îranî destnîşan kirin ku 2 kes li Deriyê Sînor ê Şelemçeyê ji ber êrişan mirin.
Êrişen DYA û îranê yên li dijî hev berdewam dikin. Piştî ku Îranê çend roj berê 2 leşkerên DYAyê kuştin Donald Trump gef li Îranê xwaribû ku dê bi êrişeke dijwar bi ser Îranê ve werin. DYA duh bi şev bênavber 5 saetan êrişî Îranê kir, gelek herêm bombebaran kirin. Fermandariya Hêzên Navendî ya Dewletên Yekbûyî yên Emerîkayê (CENCTOM) ragihand ku li hemberî hêzên deryayî, fuze, depoyên balafirên bêmirov, navendên şopandina peravî û sîstemên parastina hewayî yên li Îranê êrişeke nû ya hewayî pêk anîn.
Hûsî êrişî tankerên Erebîstana Siûdî kirin
Hûsiyên li Yemenê yên ku piştgiriyê Îranê dikin, ragihandin ku wan li Derya Sor êrişî du tankerên petrolê yên bi navê Encelia û Laylayê kirine. Ajansa nûçeyan a fermî ya Erebistna Siûdî SPAyê jî ragihand ku ji ber êrişan agir bi serê keştiyê ketiye, lê belê tiştek bi personelên keştiya Encelia nehatiye.
Îran: Dê tengava Hurmuzê girtî be
Muxafizên Şoreşê yên Îranê diyar kirin ku sê tankerên petrolê yên hewl didan ji Tengava Hurmuzê derbas bibin hatine rawestandin.
Di daxuyaniyê de hate gotin, piştî teqîn û şewata li yek ji tankeran du keştî vegeriyan û hate ragihandin ku heta operasyonên leşkerî yên Dewletên Yekbûyî yên Emerîkayê (DYE) yên li herêmê bi dawî nebin dê Tengava Hurmuzê bi temamî girtî bimîne.
Kuweytê pergala parastina hewayê çalak kir
Artêşa Kûweytê jî diyar kir ku balafirên bêmirov ên êrişî welatê wan kirine bi pergalên parastina hewayî ve hatine astengkirin. Rayedaran ragihandin ku dengê teqînê ji ber ketina balafirên bêmirov e.
Ji bo şer daxwaza 95 milyar dolar
Meclîsa Nûneran a DYEyê budçeya 95 milyar dolarî ya Pentagonê ku bi giranî ji bo fînansekirina operasyonên leşkerî yên li hemberî Îranê wê bê bikaranîn, li hemberî 214 dengên dijber, bi 216 dengên erê qebûl kir. Pêşnûme wê pêşkêşî erêkirina Senatoyê bê kirin.
