Girtiya nexweş Dîlek Oz ku ev 32 sal girtî ma ji Girtîgeha Bakirkoyê hate berdan û li balafirgeha Amedê bi girseyî hate pêşwazîkirin.
Girtiya siyasî ya nexweş Dîlek Oz jî ku ev 32 sal girtî ma, di 12ê Hezîranê de ji Girtîgeha Jinan a Bakirkoyê hate berdan. Dîlek Oz a ku di lîsteya nexweş a ÎHDê de cih digirt. 2 salan berdana wê hat astengkirin. Federasyona Komeleyên Hiqûqî û Piştevaniya bi Malbatên Girtî û Hikûmxwaran re ya MEDê (MED TUHAD-FED) û Komeleya Piştevanî û Alîkariyê ya bi Malbatên Girtî û Hikumxwaran re (TUAY-DER), endamên partiyên siyasî, nûnerên saziyên sivîl, TJA, Dayikên Aştiyê û malbata wê li balafirgehê amade bûn. Dîlek Oz bi kulîlk, tîlîlî û berzkirina dirûşman hat pêşwazîkirin. Di pêşwazîkirinê de girseyê dirûşmeyên “Bijî berxwedana zindanan” û “Jin Jiyan Azadî” berz kirin.
‘Min silavên hevalên girtîgehê ji were anî’
Dîlek Oz di axaftina xwe de destnîşan kir ku têkoşîna li derve tê dayîn moral dide wan û wiha got: “Piştî 34 salan ez gihîştim bajarê xwe, Ameda xwe. Ling û dilê we sax be. Îro piştî ew qas salan we ez bi tenê nehiştim, ez spasiya we hemûyan dikim. Min silavên hemû hevalên di girtîgehê de ji we re anîn. Sekna we ya birûmet her tim em li ser piyan girtin. Serê Amedê her tim bilind e. Em jî weke hevrêyên we yên di girtîgehê de me her tim hewl da li ber xwe bidin. Bûyîna ferdekî vê têkoşînê, îro careke din li paytextê bi we re hatina cem hev bi rastî hestekî bêhempa ye. Rojekê em ê li vir hemû girtiyên siyasî pêşwazî bikin.”
Dîlek Oz û girse ber bi mala wê ve bi rê ketin.
