Kampanyaya “Sêşema Na ji bo Cezayê Darvekirinê” daxuyanî da û dest nîşan kir ku dosya Werîşe Muradî li Dadgeha Bilind a Îranê ye û metirsiya darvekirina wê heye. Kampanyê xwest demildest cezayê darvekirinê yê Werîşe Muradî belat bikin.
Kampanyaya “Sêşema Na ji bo Cezayê Darvekirinê” di pêngava xwe ya 62yemîn de ku ji girtiyên 38 girtîgehên Rojhilatê Kurdistan û Îranê pêktê, der barê cezayên darvekirinê de daxuyaniyek belav kir. Kampanyayê di daxuyaniyê de anî ziman ku rejîma Îranê di dema Newrozê û meha Remezanê de jî dayîna cezayên darvekirinên nemirovane berdewam kir û wiha got: “Gelek girtî bi mebesta bêdengkirinê cezayên darvekirinê li wan hatine birîn. Piştî bi dawî hatina betlaneyan metirsiya darvekirinê li ser welatiyên ku cezayê darvekirinê li serin, bi taybetî jî Werîşe Muradî ku dosya wê li Dadgeha Bilind a Îranê ye heye. Em daxwaza demildest betalkirina cezayê darvekirinê yê Werîşe Muradî dikin ku ev kuştineke bi zanebûn a dewletê ye.”
Kampanyayê bang li tevayî azadîxwaz û kes û karên girtiyan hatiye kirin ku li ber girtîgehan û li her cihî li dijî cezayên darvekirinê xwepêşandan bikin û daxwaza betalkirina cezayên darvekirinê bikin. Kampanyaya “Sêşema Na ji bo Cezayê Darvekirinê” di 9ê Çileya 2023yan de dijî darvekirinên li Rojhilatê Kurdistan û Îranê hatiye avakirin.
