DEM Partiyê, Cejna Paskalyayê pîroz kir û got: “Cejna Paskalya ya ku sembola hêvî û jinûve jidayikbûnê ye, pîroz be.”
Partiya Wekhevî û Demokrasiyê ya Gelan (DEM Partî) bi peyamek weşand û Cejna Paskalya pîroz kir.
DEM Partiyê di daxuyaniya xwe ya li ser medyaya dîjîtal de wiha got: “Cejna Paskalya ya ku sembola hêvî û jinûve jidayikbûnê ye, pîroz be! Em ji dil bawer dikin ku wê li ser vê xaka qedîm gel û bawerî di şert û mercên wekhev de, bi hev re û bi azadî ziman, çand û nasnameyên xwe bijîn û em ji bo vê yekê têdikoşin. Em hêvî dikin ku Banga Aştî û Civaka Demokratîk ji bo hemû gel û baweriyan bibe destpêkek nû û deriyên aştî, edalet û azadiyê veke.”
