Wezîrê Xwendina Bilind û Lêkolînên Zanistî diyar kir ku entegrekirina Zanîngeha Rojava dê li gorî qonaxên akademîk û qanûnî yên bi rêk û pêk pêk were ku mafên xwendekaran û kadroyên perwerdeyê mîsoger bike.
Wezîrê Xwendina Bilind û Lêkolînên Zanistî Merwan El Helebî diyar kir ku entegrekirina Zanîngeha Rojava di pergala perwerdeya bilind de dê li gorî nêrîneke akademkîk û qanûnî ya giştî bi rêve biçe ku mafên xwendekaran û kadroyên perwerdeyê li ber çavan bigire û berdewamiya proseya perwerdeyê li gorî pîvanên tên bikaranîn mîsoger bike.
El Helebî destnîşan kir ku di hevdîtina li gel Meclisa Zanîngeha Rojava de nexşerêya pêşniyarkirî ya ji bo pêkanîna entegrasyonê hat nîqaşkirin û got: “Ev yek dê bi nirxandineke giştî ya rewşa akademîk û îdarî, rewşa xwendekaran, bernameya perwerdeyê, kadroyên wê û derfetên perwerdeyê dest pê dike ku mafên xwendekaran neyên xwarin an jî bandor li rêgeha perwerdeyê neke.”
El Helebî anî ziman ku di qonaxa duyemîn de dê plana xwendinê, biryar û saetên dersdayînê li gorî pîvanên zanisît yên zelal werin hevrêzkirin û wiha domand: “Dê mekanîzmeyeke adilane ji bo wekheviya dersan û temamkirina pêdiviyên akademîk were danîn da ku veguherînek rêkûpêk çêbibe û kalîteya perwerdeyê û yekbûna pîvanên akademîk were parastin.”
Wezîrê Xwendina Bilind a Lêkolînên Zanistî Merwan El Helebî destnîşan kir ku di qonaxên bê de jî dê rêgarên yasayî û akademîk ên pêwîst werin temamkirin da ku hevgirtina saziyên zanîngehî li parêzgeha Hesekê xurt bibe û asta fêrbûn û lêkolînên zanistî pêş bikevin.
El Helebî anî ziman ku heya ku tevahî nirxandinên teknîkî û qanûnî temam nebin ku edalet, zelabûn mîsoger bike û mafên tevahî xwendekaran û kadroyên akademîk biparêze, dê wezaret tu gavan neavêje.
