Endama înîsiyatifa Parêzerên Sûriyeyê Parêzer Rofend Xelef, der barê kampanya ku di 20ê Tebaxê de ji bo azadiya fizîkî ya Rêberê Gelê Kurd Abdullah Ocalan dane destpêkirin kir û dê ji Serokkomarê Tirkiyeyê û Wezîrê Dadê yê Tirkiyeyê re name bişînin û bixwazin tecrîdê bi dawî bikin û bi Rêberê Gelê Kurd Abdullah Ocalan re hevdîtinê bikin.
Di 10ê Cotmeha 2023an de li 74 navendan ji aliyê dostên Kurdan ve pêngava “Ji Rêber Abdullah Ocalan re Azadî ji Kurdistanê re Statu” hatibû destpêkirin. Di demek kurt de ev pêngav li tevahiya cîhanê belav bû. Di çarçoveya vê pêngavê de bi milyonan îmze hatin komkirin Pirtûkên Rêberê Gelê Kurd Abdullah Ocalan bi komî hatin xwendin. Meş û mîtîngên girseyî hatin lidarxistin. Piştî banga Rêberê Gelê Kurd Abdullah Ocalan a 27ê Sibatê ya Aştî û Civaka Demokratîk di 5ê Hezîrana 2025an de Forma Azadî û Aştiyê ya Ewropayê (EFFP) li ser asta navneteweyî kampanya “Ez dixwazim bi Rêberê Gelê Kurd Abdullah Ocalan re hevdîtinê bikim” dan desetpêkirin.
Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan têkildarî kampanyaya “Ez dixwazim bi Ocalan re hevdîtinê bikim” di 20ê Tebaxê de strata kampanya îmzeyan da destpêkirin. Înîsiyatif dê bi beşdariya akademîsyen, siyasetmedar, parazvanên mafên mirovan, oldar û serokên eşîran, ji bo azadiya fîzîkî ya Rêberê Gelê Kurd Abdullah Ocalan îmzeyan kom bikin.
Endama Înîsiyatîfa Parêzeran a Sûriyeyê ya ji bo Parastina Rêber Abdullah Ocalan Parêzer Rofend Xelef, têkildarî kampanya îmzeyan ku dane destpêkirin agahî bi Ajansa Welat re parve kir. Rofend Xelef anî ziman ku wan ji bo azadiya fizîkî ya Rêberê Gelê Kurd Abdullah Ocalan di 20ê Tebaxê de kampanya îmzeyan dane destpêkirin û wiha got: “Li cîhanê kampanya ‘Ez dixwazim bi Rêber Abdullah Ocalan re hevdîtinê bikim’ hatiye destpêkirin. Me jî xwest beşdarî vê kampanyayê bibin. Me sînorê vê kampanyayê diyar nekiriye. Me diyar nekiriye ku dê kengî bi dawî bibe. Heta ku pêngava me bigêje armanca xwe, dê ev kampanya bidome. Armanca vê kampanyayê em dixwazin bi Serok re hevdîtinê bikin. Ya din jî em dixwazin tecrîd û zextên li ser Rêber Abdullah Ocalan bi dawî bibe. Rêber Abdullah Ocalan banga Aştî û Civaka Demokratîk kir. Li hemberî vê gavê ji bo dewleta Tirk zûtirîn gavên şênber bavêje, em dixwazin bi vê kampanyayê zextan li ser dewleta tirk bikin. Ji bo li Tirkiyeyê bêtir edalet, demokrasî û aştî pêş bikeve divê dewleta tirk gavên şênber bavêje.”
Dê nameyan ji Saziyên cîhanê re bişînin
Rofend Xelef anî ziman ku ew ê nameyan ji saziyên cîhanî re bişînin û got: “Em ê nameyekê ji Serokkomarê Tirkiyeyê re bişînin. Ji bo gavan bavêjin û pirsgirêka Kurd çareser bikin em ê zextan li ser wan jî bikin. Em ê nameyekê ji Meclisa Ewropa re jî bişînin. Dîsa em ê ji Neteweyên Yekbûyî re jî bişînin. Em ê ji Wezîrê Dadê yê Tirkiyeyê re jî namayekê jî bişînin.”
Rofend Xelef da zanîn ku di nava vê kampanyayê de nivîskar, rewşenbîr, hikûqnas, parazvanên mafên mirovan, serokên eşîran û kesên hatine hilbijartin jîî hene û wiha lê zêde kir: “Em di van nameyan de daxwazên xwe dinivîsin û em dixwazin bi Rêber Abdullah Ocalan re hevdîtin bikin. Bandora Rêber Abdullah Ocalan hem li ser gelê Kurd û hem jî li ser hemû gelê Tirkiye û Rojhilata Navîn zêde ye. Ew mifteya çareseriya pirsgirêkan e. Bi azadiya wî ya fizîkî dê pirsgirêk çareser bibin.”
Rofend Xelf herî dawî da zanîn ku xebatên wan tenê ji vê kampanyayê pêk nayê û wiha bi dawî kir: Em ê dîsa gelek semîner û hevdîtinan amade bikin. Ji bo em balê bikişînin ser tecrîda li ser Rêber Abdullah Ocalan em ê gelek civîn û semînaran pêk bînin. Em ê li ser rakirina tecrîdê niqaşana bikin. Piştî em îmzeyan kom bikin em ê bi rêya nameyan ji CPT, NY, Wezîrê Dadê û gelek saziyên navdewletî re bişînin.”
