Danişîna sêyemîn a doza “Çeteya Fihûşê” ku leşker jî di nav de bûn, li Şirnexê hate lidarxistin. Tevî îfadeyên mexdûran û îtîrafên bersûcan jî daxwaza girtina bersûcan dîsa hate redkirin.
Danişîna doza “Çeteya Fihûşe” ku gelek lêşker jî di nav de bûn, piştî 11 salan hat vekirin. Danişîna 3yemîn a dozê li Dadgeha Cezayê Giran a 3yemîn a Şirnexê hate lidarxistin. Doza ku bi tevahî 25 kes, di nav de 3 çawişên pispor û astsubay Remzî Yara, Necmettin Çevik, Ferhat Açil ne girtî tên darizandin bi SEGBÎSê tev li danişînê bûn. Komîsyonên Mafên Jin û Zarokan ên Baroyên Şirnex û Amed, û Rêveberiya Polîtîkayên Malbat û Civakî ya Şirnexê jî beşdarî danişîne bûn.
Rûniştina ku bersûc û parêzerên gilîkaran jî beşdar bûn, ji hêla Rêxistina Partiya Wekhevî û Demokrasiyê ya Gelan (DEM Partî) a Şirnexê ve jî hate şopandin.
Piştî tespîta nasnameyan danişînê dest pê kir.
Fihûş qebûl kir
Yekem bersûcê ku di danişînê de lê hat guhdarîkirin Remzî Yarar bû. Wî îfadeya xwe ya di îdianameyê de red kir û beyanên bi nakok da. Remzi Yarar got: “Gelemperî leşker û çawişên pîspor siwarî erebeya min dibûn, min jî li ser daxwaza wan bi jinên fihûşê dikin re hevdîtin kir.”
Piştre Necmettîn Çevîk li Qoserê bi SEGBÎS tev li danişînê bû. Necmettin Çevik ku her pirsek bi “Nizanim” bersiv da, îfadeya xwe ya di îdianameyê de red kir.
Qala fihûşe kir
Yek ji mexdûrên bûyerê li S.B., jî hat guhdarîkirin. S.B. diyar kir ku tiştên ku Remzî Yarar gotiye derew in û got: “Ez Remzî Yarar nas dikim, ew dibêje ku ew Kenan Tatar nas nake, ne rast e. Ew dibêje ku ew jî min nas nake, lê ew jî min nas dike. Kenan bi zorê min digirt. Li ser daxwaza Kenan Tatar, Remzî ez bir cihê ku çawiş lê bûn. Kenan û Remzî pereyên ku min distandin di navbera xwe de parve dikirin. Ew 5-10 sentî didan min. Bi çekan min neçar dikirin ku ez vê yekê bikim. Min di taksiya Remzî de bi kesên cûda re seks kir. Remzî Yarar bi Kanan Tatar re di nav hevkariyê de bû. Van her du kesan mirovan rêk dixistin. Ger wan îro ev yek bi min kiribe, ez gilîkar im da ku ew sibê bi yên din nekin.”
Piştre, yek ji bersûcan, Ferhat Açil, îfadeya xwe ya di îdianameyê de red kir û îdia kir ku ew bersûc û mexdûrên ku behsa wan tê kirin nas nake.
Dayika yek ji mexdûrên bûyerê H.B., jî bi rêya SEGBÎSê beşdarî danişînê bû û got ku ew ji bûyerê haydar nebûye û piştî ku keça xwe biriye nexweşxaneyê, ji vê yekê agahdar bûye.
Piştre endama Komîsyona Jin û Zarokan a Baroya Şirnexê Emîne Ozdemir axivî û diyar kir ku divê dosya bi awayekî adilane were birêvebirin û got: “Ev doz bandor nehat birêvebirin. Ev doza ku ewlehiya civakî xera dike, divê bi awayekî dadperwerane were birêvebirin. Em daxwaz dikin ku bersûc di dema binçavkirinê de werin darizandin.” Navenda Mafên Zarok û Jinan a Amedî jî daxwaz kir ku bersûc werin girtin û daxwaza tevlibûna dosyayê kir.
Dozger mutala xwe da û daxwaza tevlibûna baroyan û girtina bêrsûcan red kir.
Doz hat taloqkirin
Dadgehê piştî navberê biryara xwe eşkere kir, biryar da ku di rûniştina bê de guhdariya bersûcên ku nehatine guhdarîkirin bike, daxwaza baroyan a ji bo tevlibûna dosyayê red kir û daxwaza girtina bersûcan jî red kir. Dadgehê dozê taloqî 15ê Cotmehê kir.
