Rêveberê DBPê yê Wanê Mehmet Emîn Kûtaz, bertek nîşanî girtina endamên HDKê da û got: “Daraz bi navê desthilatê faliyetên siyasî dimeşîne. Girtina endamên HDKê komploya siyasî ye.” Hevserokê DEM Partiyê yê Şirnexê Abdullah Gungen jî anî ziman ku operasyona li dijî HDKê li dijî tifaqa gelê kurd û tirk e.
Kongreya Demokratîk a Gelan (HDK), Partiya Herêmên Demokratîk (DBP), Tevgera Jinên Azad (TJA) û Partiya Wekhevî û Demokrasiyê ya Gelan (DEM Partî) têkildarî binçavkirin û girtina endamên HDKê li Parka Feqiyê Teyran a Wanê daxuyanî dan. Hevşaredarên Bajarê Mezin ên Wanê Neslîhan Şedal û Abdullah Zeydan, hevserokên DEM Partî û DBPê yên Wanê, parlementer Gulcan Kaçmaz Sayyîgît û Mahmût Dîndar û nûnerên saziyên sivîl tev li daxuyaniyê bûn.
‘Girtina HDKîyan felaketa hiqûqê ye’
Rêveberê DBPê yê Wanê Mehmet Emîn Kûtaz daxuyanî xwend û diyar kir ku daraz bi navê desthilatê faliyetên siyasî dimeşîne. Mehmet Emîn Kûtaz, destnîşan kir ku girtina endamên HDKê felaketeke hiqûqî ye û got: “Di encama vê operasyonê de 30 kes hatin girtin. Ji bo 13 kesan biryara hepsa malê dan. 7 kes jî bi biryara kontrola edlî berdan. Bi vê operasyonê, darazê careke din aşekere ku ew li ser navê hikûmetê xebatên siyasî dikin û guh nadin ti prensîbên qanûnê. Binçavkirin, kontrola edlî, hepsa malê û girtin li dijî hiqûqî ye. Komploya siyasî ye. Bi armanca tasfiyekirina dijberên hikûmetê ye.”
‘Têgihiştina xerakirina yekîtiya kurd û kirkan e’
Mehmet Emîn Kûtaz, destnîşan kir ku ev operasyon operasyoneke tolhildanê ye û wiha bi dawî kir: “Îdîayên ku bi vê hişmendiyê tên kirin ne êrîşeke vekirî û eşkere ya li dijî HDKê ye, li dijî armanca wekhevî, azadî û jiyana hevbeş e. Lê em dixwazin bînin bîra we ku her rejîmek zordar û mutleq bi destên xwe û bi van rêbazan xwe ji bo dawiya xwe amade dike. Hikûmet bi êşên mezin ên civakê welat dikişîne karesateke mezin. Em ê nehêlin ku welat ber bi karesatê ve bê kaşkirin. Partiya me wê li hemberî vê yekê raweste. Em careke din dibêjin, dawî li dozên komployê bînin. Hevalên me yên ku we di girtîgehan de dîl girtine tawilê berdin.”
Daxuyanî bi dirûşma “HDK em in, em li vir in” bi dawî bû.
Şirnex
Rêxistinên DBP, DEM Part û TJAyê jî bi heman armancê li ber navçeya DEM Partî ya Şirnexê daxuyanî da. Rêxistinên saziyên sivîl ên Şirnexê jî tevlî daxuyniyê bûn. Komê li vir pankarta “HDK tîfaka bindestan e hûn nikarin kirîmînalîze bikin” hilgirtin. Girsê bê navber dirûşmeyên, “Em hemû HDKî ne” berz kirin.
Hevserokê DEM Partî yê Şirnexê Abdullah Gungen daxuyanî xwendin. Abdullah Gungen diyar kir ku operasyona li dijî HDKê pêk hatiye ne hiquqî ye û operasyona kumpasê ya desthilatê ye. Abdullah Gungen destnîşan kir ku li hevkirina bajêr ne sûce û wiha got: “Ew biryara girtin û binçavkirinê li dijî tîfaqa gelê kurd û tirk e. Ew operasyon yek jî operasyona ji tol hilandineyê û li dijî wekheviya gelan e. Desthilat welet ber bi krîzan ve dibe. Em careke din dibêjin hevalên me yên ku wê di girtîgehan de dil girtinê demildest serbest berdin. Dawî li dozên komployê bînin.”
Daxuyanî bi berzkirina dirûşmeyan ve bi dawî bû.
