Enqere – Rûniştina yekem a civîna 10an a Komîsyona Meclisê destpêkir. Serokê Meclise Nûman Kûrtûlmûş ku beriya guhdarkirina akademîsyenan axivî bi lêv kir ku heta niha di civînên hatine li darxistin de daxwaza aştiyeke mayînde derketiye pêş.
Komîsyona Demokrasî, Xwişk û Biratî û Hevgirtina Mîllî ku di çarçoveya pêvajoya Aştî û Civaka Demokratîk de li meclisê hatibû avakirin civîna xwe ya 10an li dar xist. Di rûniştina yekem a civîna 10an de, Prof. Dr. Havva Kok Arslan, Prof. Dr. Sevtap Yokûş Veznedaroglû, Prof. Dr. Ayşe Betul Çelîk Doç. Dr. Çerag Esra Çûhdar wê ben guhdar kirin. Di rûniştina 2yan de jî Fatih Ûlûsoy, Huseyin Orûç, Prof. Dr. Denîz Ulke Kaynak, Doç. Dr. Vahap Coşkûn, Prof. Dr. Talha Kose wê bên guhdar kirin.
Beriya guhdarkirina akademîsyenan Serokê Meclîse Nûman Kûrtûlmûş axivî û ev tişt gotin: “Heta îro em bi xebateke baş heta roja îro hatin û hevî dikin di demekê nêz de jî xebatên xwe bigehejînin encameke. Komîsyona me xwedî temsiliyeteke mezin e. Me di nava civakê de jî gelek saziyên sivîl, komele û kesayet guhdar kirin. Hemû axaftinên li vir hatin kirin jî ji bo pêvajoya aştiyê bigihêje encamekê ye û hêz bide gavên ben avetin. Ev civîn li ser banga ku li Îmraliyê hat û hemû rêxistin çekên xwe berdin destpêkirin. Hemû kesên li vir axivîn jî tevî fikrên cuda daxwaza bêdengbûna çekan anîn ziman. Divê rêxistin jî li gor banga li Îmraliyê hatiyê kirin çekên xwe deynin ku ew pêvajo bigihêje encamekê.”
Piştî axaftina Nûman Kûrtûlmûş rûniştina yekem a civînê dest pê kir.
