Malbatê cenazeyê Mûstafa Karatepe yê ku piştî 30 salan girtî ma û hat berdan û li nexweşxaneyê jiyana xwe ji dest da, piştî merasima olî ya li Goristana Yenîkoyê, birin navçeya Bismilê ya Amedê.
Mûstafa Karatepe, yê ku piştî 30 salan girtî ma û di çile de hat berdan, li nexweşxaneya ku lê dihat dermankirin jiyanax we ji dest da. Malbata Mûstafa Karatepe, cenaze ji nexweşxaneyê wergirtin û birin li Goristana Yenîkoyê. Malbatê û piştî merasima olî li dar xistin, cenaze wergirtin û ber bi navçeya Bismilê ya Amedê ve bi rê ketin. Malbat dê cenaze li navçeya Bismilê bispêrin axê.
Mûstafa Karatepe (70) ku nexweşê penceşêrê bû, li Girtîgeha tîpa F a Sîncan a Enqereyê dihat ragirtin. Piştî 30 salan li gelek girtîgehan ma, di 6ê Çileya 2025an de hat berdan. Mûstafa Karatepe, di 14ê Çileya 1995an de li Îzmîrê hate binçavkirin û Dadgeha Ewlekariya Dewletê (DGM) bi îdiaya “Xerakirina yekitî û yekparetiya dewletê” cezayê îdamê lê birî. Piştre cezayê wî veguherandin cezayê muebbetê. Piştî 30 salan girntî ma hat berdan. Mûstafa Karatepe ji ber nexweşiya pençeşêrê demek dirêj li nexweşxaneyê Bati ya Amedê dihat dermankirin. Mûstafa Karatepe li nexweşxaneya ku lê dihat dermankirin jiyana xwe ji dest da.
