Bijîşkên ku ameliyata Sirri Sureya Onder kirin li ber nexweşxaneyê daxuyanî dan. Di daxuyaniyê de Prof. Dr. Ertan Sagbaş bi lêv kir ku rewşa Sirri Sureyya Onder pir bi xetere ye û got ew ê kêlî bi kêlî rewşê bişopînin.
Bijîşkên ku ameliyata Sirri Sureyya Onder kiribûn li ber Nexweşxaneyê daxuyanî dan. Di daxuyaniyê de Serhekîme Nexweşxaneyê Çavlan Çîftçî û bijîşkê ameliyata Sirri Sureyya Onder kiribûn Prof. Dr. Ertan Sagbaş axivîn. Di destpêkê de Serhekîmê nexweşxaneyê Çavlan Çîftçî axivî û rewşa Sirri Sureyya Onder vêgot. Piştre jî bijîşkê ku Sirri Sureyya Onder emeliyat kiribû Ertan Sagbaş axivî û agahiyên derbarê tenduristiya Sirri Sureyya Onder de vêgot.
Ertan Sagbaş diyar kir ku rewşa Sirri Sureyya Onder xeternek e û wiha got: “Aort disesksiyon ji aliyê cerahiya dil û demar ve patolojiya herî pêş e. Sirri Sureyya Onder dema hat nexweşxaneyê hem qetandina Aort hebû hem jî qirîza dil derbas kiribû. Me demildest mudaxale kir. Emeliyata ku me kir bişêv seat 4an de qediya. Lê ji ber ku dilê wî pir sincirî bû. Ji ber wê jî em benda man ku westiya xwe bigire. Me ji berê jî ameliyatên bi vî rengî kirin. Lê ameliyata Sirri Sureyya Onder a herî dijwar bû. Dema em çûn cihê ameliyatê jî dil sekinî bû em bi cîhaze ku mesaja dil bike çûn cihê ameliyatê. Em bi hejmareke mezin û pîspor ketin ameliyatê. Niha jî rewşa Sirri Sureyya Onder pir xetere. Em nikarinê tiştekî demdirêj bejin. Em ê rewşê kêlî bi kêlî bişopînin. Di vê pêvajoyê de her seat xeterî heye. Ji ber wê jî em nikarin tiştekî bêjin.”
