Amed – Şaredariya Bismilê di çarçoveya Hefteya Astengdaran de bi armanca nîşandana hêza yekbûnê û başkirina hunerê, ji bo astengdaran atolyeyên seramîk û afirîneriyê li dar xist.
Yekeya Xizmetên Astengdar û Kalûpîran a Şaredariya Bismilê li Parka Vedat Aydin komxebatên seramîk û afirîneriyê li dar xistin. Hevşaredarên Bismilê Mizgîn Ekîn û Guven Tanrikûlû, endamên Meclisa Şaredariyê û gelek malbat û zarok tev li atolyeyê bûn. Di atolyeyê de ser girîngiya cudahiyan hat sekinîn û hate destnîşankirin ku cudahî nirx in û jiyanê xweşiktir dikin.
Hilberîna hevpar, parvekirin û piştgirî
Personelên Yekeya Xizmetên Astengdar û Kalûpîran ên di komxebatê de axivîne û wiha gotin: “Di komxebatê de hêza yekgirtî û başiyê ya hunerê tê armanckirin. Daxwaz ew e ku em balê bikişîn ser girîngiya hilberîna hevpar, parvekirin û piştgiriyê. Em pê bawer in ku dema me berpirsyariya hevpar piştrast bikin em ê karibin kesên kêmendam, bi awayekî berbiçav, çalak û wekhev beşdarî jiyana civakî bikin. Bi çalakiyên cûr bi cûr, bi taybetî atolyeya seramîk, beşdar dê hem demên xweş derbas bikin û hem jî dê bextewariya hilberînê parve bikin.”
