Şaxa Komeleya Hiqûqnasên ji bo Azadiyê ya Amedê belgesela ‘Navê min newala qesaba ye’ dan temaşekirin û hevpeyvîna “gorên komî” pêk anî.
Li Kurdistanê gelek komkujî pêk hatin. Yek ji van komkujiyan ya li Newala Qesaban e. Newala Qesaba di dîroka Kurdistanê cihekî bi êşa xwe tê bi bîr anîn. Di sala 1915an de gelek Ermen û salên 1980an de Kurd hatin kuştin û li Newala Qesaba bi komî hatin veşartin. Şaxa Komeleya Hiqûqnasên ji bo Azadiyê (OHD) ya Amedê ji bo hişê dîroka Newala Qesaba bibîr bixe, li avahiya xwe ya Yenîşehîr a Amedê belgesela “Navê min Newala Qesaba” da temaşekirin. Belgesela ku endamê OHDê Pelda Vesek Sandalci amade kiriye bi eleqeyek mezin hat temaşekirin. Piştre hevpeyvîna mijara “Komên komî” pêk anîn. Di peşandana belgesel û heypeyvînê de Hevseroka OHDê Ekîn Yeter, endam û rêveberên OHD û gelek parêzer tev li bûn.
Serokê Baroya Amedê yê berê Parezêr Cîhan Aydin diyar kir ku kengî pêvajoyeke hebe gorên komî tên eqilê dewletê û wiha got: “Mixabin, sîyasetmedar tenê gava aştî hebê vê yekê dikin rojev. Piştî banga Rêberê Gelê Kurd Abdullah Ocalan pêvajoyekê dest pê kir. Em hêvîdarin ku pêvajo bi erênî bi encam bibe. Divê berî her tiştî em ji bo mijara gorên komî di nav xebatan de bin.”
‘Em îro bi xêra wan dikarin biaxivin’
Paşê Parêzer Muharrem Şahîn axivî û da zanîn ku îro eger dikarin li vir biaxivin bi xera wan kesen hatin kuştin diaxivin û got: “Endamên JÎTEM, polis û endamê MHPê bûn sedemên van bûyeran. Di avakirina komarê de 7 hezar kes hatin kuştin. Di dîrokên dawî de 100 hezar kes hatin kuştin. Divê dewlet van rastiyan qebûl bike û bi vê rastiyê re bê rûqalî hev. Berê em li ser wan mijaran hesastir bin. Îro hesasiyet jî ketiye. Ez hêvîdarim ku di rojên pêş de ev jî dê biguhere.”
Herî dawî Pelda Vesek Sandalci li ser belgeselê agahî da.
