Aktivîsta TJAyê Çaglar Demîrel di mîtînga “Ji bo aştî û azadiyê” de axivî û got: “Ji bo aştî pêk bê divê Rêberê Gelê Kurd Abdullah Ocalan azad bibe. Divê tecrîd bi dawî bibe. Em bawer dikin ku azadiya Rêber Apo nêzîk e.”
Rêxistinên DEM Partî û Partiya Herêmên Demorkatîk (DBP) ên Amedê bi dirûşma “Ji bo aştî û azadiyê” li Qada Îstasyonê ya Amedê mitîngekê li dar dixin. Qada mitîngê bi alên DBPê û DEM Partiyê hatiye xemilandin. Her wiha pankartên bi nivîsên “Dema serkeftin û azadiyê ye”, “Cinî cuye azadî”, “Dem deme cu cenî azadeyo” û “Dem dema jinan e” hatine daliqandin. Ji sê baskan ve xelk tê mitîngê. Welatî di lêgerînên polîsan de derbas dibin. Li qadê welatî civiyan e. Ji gelek bajar û navçeyên bakurê Kuristanê welatî û siyasetmedar tev li mitîngê bûn.
Bi pêşengiya TJAyê dê ji ber Hotêla Prestîj heta qada mitîngê meşek girseyî bê lidarxistin. Li qadê hêdî hêdî welatî dicivin û dirûşmên aştî û azadiyê qîr dikin. Ji sê baskan ve bi hezaran welatî beşdarî mîtîngê bûn. Hevserokê Giştî yê DEM Partiyê Tuncer Bakirhan, Hevseroka Giştî ya DBPê Çîgdem Kiliçgun Ûçar, Dayikên Aştiyê û TJA dê di mitîngê de axaftinan bikin. Her wiha Kolektîfa Rîtmên Azad a Navenda Çanda Bihar a Batmanê jî dê derkeve ser dikê û stranan bêje.
Mîtingê bi rêzgigrtin û axaftinan dest pê kir. Ewil Hevserokê DBPê yê Amedê Abas Şahîn di serî de silav da gel û wiha got: “Ev qad êdî biba bibe qadaı aştiyê. Ji bo ev qad bibe qada aştiyê bila ev qad bibe qada azadiyê. Bila ev qad bibe qada azadî lê tê axaftin be. Di vê rêyê de têkoşînek bêhempa hat dayîn. Êdî dema aştiyek bi rûmet e. Ji niha û şûnde em ê li gel muxatabê aştiyê bi hevre aştiyê pêş bixin.”
Azadiya jin û civakê bi azadiya Rêber Abdullah Ocalan pêkan e
Li ser navê TJAyê jî siyasetmedar Çaglar Demîrel gel silav kir û got: “Silav gelê aştîxwaz, jinên berxwedar û têkoşer. Em li ser navê TJAyê ji bo aştî, wekhevî, xwişk û biratiya gelan mitinge pêk tînin. Em zanin ku ev aştî dê bi têkoşîn û berxwedana Tevgera Jinên Azad pêk bê. Îro aştî ji bo Rojhilata Navîn û Kurdistanê ji av û xwarinê ferztir e. Ev girseya ku qad tijî kiriye hemû aştî, demokrasiyê dixwazin. Yê aştiyê bîne diyar e. Muxatab diyar e. Em ji bo Rêberê Gelê Kurd Abdullah Ocalan azad bibe têdikoşin.”
Çaglar Demîrel, destnîşan kir ku ew azadiya jinê û civakê di azadiya Rêberê PKKê Abdullah Ocalan de dibînin û wiha berdewam kir: “Li Rojhilata Navîn, li Tirkiye û cîhanê her roj jin tên kuştin. Tundiya li ser jinê zêde belav bûye. Desthilat, bi hişmendiya mêr her roj jinê dikujin. Dixwazin jinê din ava malê de hepis bikin. Lê em jinên kurd û aştîxwazin, ji bo aştî u demokrasiyê her dem û li her derê felsefeyea “Jin Jiyan Azadî” li tevahiya cîhanê belav dikin.”
Statuya Rojava qebûl bikin
Çaglar Demîrel, kuştina rojnamegeran şermezar kir û got: “Em aştî, demokrasî û azadiyê dixwazin. Ji bo vê yekê divê berî her tiştî divê statuya Rojava bê naskirin. Rojava ji bo cîhanê mînak e. Şoreşa Rojava şoreşa jinê ye. Şoreşa jinê li Rojava pêş ketiye.
Azadiya Rêber Apo nêzîk e
Em her dem li her derê ji bo aştiyê têdikoşin. Bila her kes bibîne ku li vê qadê jinên kurd aştî û demokrasiyê dixwazin. Eger aştî pêş bikeve, divê tecrîd bi dawî bibe. Divê berî her tiştî tecrîda li ser Serokê Gelê Kurd Abdullah Ocalan rakin û dikaribe di nava muzakereyan de cih bigire. Azadî nêzîk e. Azadiya Rêber Apo nêzîk e.”
