AVAMED a Şaredariya Bajarê Mezin a Amedê, ji bo kêmkirina metirsiyên tenduristiya gel û başkirina jîngehê dê li Erxeniyê “Tesîsa Parastina Avê ya Bîyolîjîk a Pêşketî” ava bike. AVAMED derbarê projeyê de bi beşdariya welatiyan civîneke agahdarkirinê li dar xist.
Gerînendetiya Giştî ya Kargêriya Av û Kanalîzasyonê (AVAMED) derbarê projeya parzûnkirina avê ya Erxeniyê bi beşdariya gel civînek li dar xist. AVAMED di civînê de derbarê projeye agahî da welatiyan û ji bo projeyê jî nêrînên welatiyan pirsî.
Kêmasiya binesaziyê zirarê dide xwezayê
Serokê Daîreya Herêma 2yemîn ê AVAMEDê Serkan Karyaxan, destnîşan kir ji ber tunebûna tesîsa parastina ava baranê ya Erxeniyê ku hejmara welatiyên li Erxeniyê ji 141 hezarî zêdetir e jîngeh bi awayeke neyînî bandor dibe û got: “Heke pergala parastina vê avê hebe em ê qirêjiya ji ber avên bermayî kontrol bikin. Heke proje di nava 18 mehan de biqede, rojane dê 19 hezar û 734 metrekup av bê paqijkirin.
Plan li gor salên pêş hat amadekirin
Endazyarê Jîngehê Necdet Buluş, diyar kir ku tesîs dê bi teknolojiya parastina bîyolîjîk a pêşketî bixebite, pergal dê asît û fosforê ji avê paqij bike. Tê plankirin ku cihê parzûnkirina avê dê taxa Zonbiqê were avakirin. Proje li gorî sala 2058an ku tê payîn hejmara welatiyan dê bibe 209 hezar kes, hatiye amadekirin.
Tevbîr hatin girtin
Hat destnîşankirin ku ji bo proje ji toz, deng, û trafîkê bandor nebe tevbîrên berfirah ên binerd û ser erd hatine girtin Her wiha ji bo welatî rexne û pêşniyarên xwe bi awayeke vekirî bînin ziman jî dê mekanizma werin avakirin û serlêdan tên kirin dê werin nirxandin.
Xebat piştî îhaleyê dê dest pê dikin
Îhaleya projeyê dê di 30ê Awrela 2026an de were pêkanîn. Piştî temambûna îhaleyê dê xebatên avakirina pergala parzûnkirina avê dest pê bike.
