Tîma Amedsporê amadekariyên xwe yên ji bo sezona nû bi lez û bez didomîne. Rêveberiya tîmê 5 lîstikvanên serkeftî re peyman hate îmzekirin û tev li kadroya xwe kir.
Amedsporê ji bo ku di Lîga Superê de serkeftineke mayînde bi dest bixe, berî niha bi rahênerê Kosovayî yê 54 salî Besnik Hasi re peymana fermî îmze kiribû. Piştî hatina Hasi, rêveberiyê dest bi xurtkirina kadroyê xwe ya futbolîzan kir û berê xwe da lîstikvanên xurt. Bi tevlîbuna rêveberiya tîma Amedsporê û lîstikvanên nû: Samuel Ballet, Rayan Lutin, Gokhan Gul, Yira Sor, Mohamed Khalil li Amedstore ya li navçeya Peyasê bernameya îmzeyê hat lidarxistin. Piştî îmzekirina peymanê rêveberî û lîstikvanan peyamên xurt dan alîgirên Amedsporê û peyman îmze kirin.
Her wiha piştî hatina Besnik Hasi heya niha tîma Amedsporê ji xeynî 5 lîstikvanên îro peyman îmze kir, bi Alban Lafont, Burak Bozan, Amadou Cisse, David Bates, Lumbard Dellova, Umut Meraş, Rayan Raveloson, Furkan Soyalp, Ermal Krasniqi û Berk Kizildemîr re peyman îmze kiribû.
Bername piştî îmzeya peymanan bi dawî bû.
