Komeleya Çandê ya Pîr Sûltan Abdalê têkildarî komkujiyên li dijî elewiyan daxuyanî da. Hevseroka şaxa Komeleya Çandê ya Pîr Sûltan Abdal Ayfer Artan diyar kir ku li pêş çawê cîhanê li Suriyeyê elewî tên kuştin û got: “Divê dewlet alîkarî nedin kujeran.”
HTŞ di 27ê Mijdara 2024an de li dijî desthilatdariya Beşar Esad dest bi êrişeke kir. di Di 8ê Kanûna 2024a de HTŞ ket Şamê û Şam dagir kir. Piştî HTŞê Şam dagirkir li herêmên ku elewî lê dijîn, komkujî kirin û bi hezaran elewî kuştin. Tora Mafên Mirovan a Sûriyeyê, bi raporek belge kir ku ji Kanûna 2024an heta mijdarê 221 sivîl hatine kuştin, 89 kes hatine revandin. Di rojên dawî de li Humusê alozî zêdetir bû û çekdarên Hikûmeta Demkî ya Şamê dîsa li dijî elewiyan dest bi komkujiyan kirin.
Komeleya Çandê ya Pîr Sûltan Abdal têkildarî êrişên li ser Elewiyan li avahiya xwe ya navçeya Rezanê daxuyanî da. Rêveberên şaxa Komeleya Çandê ya Pîr Sûltan Abdal ya Amedê, Hevserokên DEM Partiya ya rêxistina Amedê, endamên Egîtîm-Sena Amedê û gelek kes tev li daxuyaniyê bûn. Girseyê pankarta “Ji komkujiya gel û baweriyan re ya li Suriyeyê pêk tê bêje na” vekir. Daxuyanî ji aliyê Hevseroka wekhev şaxa Komeleya Çandê ya Pîr Sûltan Abdal Ayfer Artan ve hat xwendin.
‘Suriyeyê Elewî ber bi çawê tevahî cîhanê tên kuştin’
Ayfer Artan diyar kir ku bi destê emperyalîzmê tê xwestin Rojhilata Navîn were dizayn kirin û wiha axivî: “Îro HTŞ bi alikariya emperyalîstan hatiye li ser desthilatdarita Suriyeyê. Piştî Colanî desthilatdariyê girt li dijî Elewiyan dest bi komkujiyê kir. Lê tevahî van kuştina cîhan bêdeng e. Li Suriyeyê Elewî ber bi çawê tevahî cîhanê tên kuştin. Li dijî komkujiyan gelek dewlet piştgiriyê dide û HTŞê meşrû dike.”
‘Dikin li dijî komkujiyê bêdeng nemînin’
Ayfer Artan destnîşan kir ku berpirsiyarê tevahî komkujiyan Colaniye û ev tişt anî ziman: “Di rojên dawî de êrişên li ser Elewiyan zêdetir bûye. Em li vir dibêjin ku tu carî bêdeng namînin. Em bang gelan dikin li dijî komkujiyê bêdeng nemînin, hevkarê komkujiyê nebin. Bila korîdora alîkariyê were vekirin û alîkarî bigihijê Elewiyan. Bang tevahî dewletan dikin alîkarî nedin kujer Colanî û pêşiya Suriyeyeke demokratîk vekin.”
