CPJê daxuyand ku di sala 2025an de 129 rojnameger hatine kuştin.
Komîteya Parastina Rojnamevanan (CPJ) a navenda wê li New Yorkê ye, diyar kir ku di sala 2025an li seranserê cîhanê bi 129 rojnamevan û xebatkarên çapemeniyê ji ber xebatên xwe yên rojnamegeriyê jiyana xwe ji dest dane û anî ziman ku sedema van mirinan ji sê paran du bi destê Îsraîlê pêk hatine.
CPJê di daxuyaniya xwe de têkildarî mijarê ev tişt gotin: “Artêşa Îsraîlê heya îro ji artêşa her dewleteke din hîn zêdetir li dijî endamên çapemeniyê êriş pêk anî. Piraniya kesên jiyana xwe ji dest dane, rojnamevanên Filistînî yên li Xezeyê û xebatkarên medyayê ne.”
CPJê bi bîr xist ku di sala 2024an de 124 rojnamevan hatin kuştin û bi bîr xist ku di sala 2025an de 129 mirin çêbûn û wiha got: “Di nava 30 salên derbasbûyî de ev hejmar hejmara herî zêde ya rojnamegeran e.
Hat diyarkirin ku di şerê li Xezeyê de 86 rojnamevanan jiyana xwe ji dest dan û hat gotin ku du herêmên din ên ji bo çapemeniyê herî kujer, Ûkrayna (4 mirin) û Sûdan (9 mirin) e.
Para dironên biçek
Rayedarê CPJê Carlos Martinez de la Serna diyar kir ku bikaranîna dronan zêde bûye û ragihand ku sala 2025an ji ber êrişên dronê 39 rojnameger jiyana xwe ji dest dan.
Dîrektorê Giştî yê CPJê Jodie Ginsberg diyar kir ku ji bo astengkirina van cînayetan û cezakirina berpirsyaran, divê hîn zêdetir hewldan were raberkirin.
