Nivîskar Leyla Saraç li navçeya Cizîrê bi bernameyekê pirtûka xwe ya bi navê “Dema tu çûyî” îmze kir.
Nivîskar Leyla Saraç pirtûka xwe ya bi navê, “Dema tu çûyî” bi bernameyeke li eywana konferansa Orhan Dogan a Partiya Wekhevî û Demokrasiyê ya Gelan (DEM Partî) a navçeya Cizîrê îmze kir. Di bernameyê de nivîskar Herdem Mervanî moderetorî kir. Nivîskar Leyla Saraç jî qala pirtûka xwe ya helbestê ya “Dema tû çûyî” kir. Gelek kes tevlî bernameya îmzayê bûn. Di destpêkê de nivîskar Herdem Mervanî di bernameyê de axivî û bal kişand ser biryara îdamê ya li rojnameger û helbesvana kurd Pexşan Ezîzî hatiye birîn û got: “Divê em li dijî vê biryara îdamê li her derê dengê xwe bilind bikin. Ji ber ku biryara îdamê ya li Pexşan Ezîzî hatiye birîn li me hemû kurdan hatiye birîn.”
Leyla Saraç jî qala destpêkirina nivîskariya xwe ya kurdî kir û bal kişand ser girîngiya zimanê dayikê. Leyla Saraç helbestên xwe jî pêşkeşî guhdarvanan kir. Welatiyên tev lî bernameyê bûn bi kêfxweşî helbest guhdar kirin.
Helbesta Cizîrê
Leyla Saraç di nav pirtûka xwe de helbesta xwe ya Cizîr jî xwend. Helbest wiha ye:
“Kezeba şewata min
dayika serhildane
axina te her olan dide
ji pesarên hinavên min
Û çend dilop firmêskên bêhnşewat
di avzelka çavên min de hê dinale
keleha mem û zînê
hêlina evina nemir
dergûşa zarokên serhildêr
vaye sirûd û qêrina raperinekê
diherike ji bejna birca belek
xemla jinên dil agir
ka disa biqîrê bi dengê Bêrivan
Binevş Egalan
hilweşine diware vê bêdengiyê…”
Bername bi îmzekirina pirtûkê bi dawî bû.
