HDKê têkildarî tundî û binpêkirinên li dijî aktivîstên Karwava Gelan ên ku ji bo piştevaniya bi Rojava re hatibûn Pirsûsê li ser hesabê xwe ya Xê daxuyanî da.
Karawana Gelan a ji enternasyonalîstan pêk tê, ji bo piştgiriyê bidin berxwedana Rojava hatin navçeya Pirsûsê ya Rihayê. Li ser vê yekê polîsan enternasyonalîstên hatine binçav kir û piştre dersînor kir. HDKê li dijî binpêkirina mafan ên li dijî endamên Karawana Gelan hatine sepandin li ser hesaba xwe ya medya dîjîtal daxuyanî da.
‘Tevî metirsiyan xwedî derketin’
HDKê di daxuyaniyê de diyar kir ku 29 enternasyonalîst li gel HDK û DEM Partiyê êvara 29ê Çileyê ber bi Pirsûsê ketine bi rê ketine û wiha got: “Karavana Gelan a ku bi dirûşm û stranan ve ketin rê, li gel hewldanên sîstematîk ên ji bo astengiya rêwitiya wan, di 30ê Çileyê da nîvro gihîştin Pirsûsê û berxwedana Kobanê silav kir. Ev mîrate piştevaniya enternasyonalîs xurt dike. Hevrêyên me tevî xetereya dersînorkirin û girtinê xwedî li Rojava derkevin û gotin ‘an em ê Rojava biparêzin an jî em ê dersînor bibin” û li dijî sînoran piştevaniya enternasyonalîst bilind kirin.”
‘Yekitî û têkoşîn dê êrişan têk bibe’
Di berdewama daxuyaniya xwe de HDKê bal kişand ser binpêkirinên piştî binçavkirina endamên Karawana Gelan û wiha got: “Li Navendên Vegerandinê û dema binçavkirinê li dijî hevrêyên me sepanên wek lêgerîna tazî, tundiya zayendî û lêdanê hatin pêkanîn. Li dijî vê yekê têkoşîna me ya li dijî tuniyê tevî Komeleya Hiqûqnasên ji bo Azadiyê (OHD) û Partiya Wekhevî û Demokrasiyê ya Gelan (DEM Partî) bi awayekî xurt hatiye kirin. Herwiha di heman rojan de Delegasyona Ciwanan a ku li ser banga Meclisên Ciwanan a DEM Partiyê hatibûn Amedê jî hatin binçavkirin, bi tundî û dersînorkirinê re rû bir û man. Yekitî û têkoşîna me dê van êrişan têk bibe.”
