Koordînasyona Jinan a Rêveberiya Xweser a kantona Firatê bang li hêzên navneteweyî, rêxistinên mirovî û mafên mirovan kir ku berpirsiyariyên xwe yên yasayî û exlaqî rakin, dorpêça li ser bajarê Kobanê bi dawî bikin û korîdorek mirovî ji bo gihandina alîkariyan vekin.
Koordînasyona Jinan a Rêveberiya Xweseriya Demokratîk a kantona Firatê der barê dorpêça li ser bajarê Kobanê de daxuyaniyek nivîskî weşand.
Di daxuyaniyê de hat diyarkirin ku di êrişên çeteyên hikumeta demkî yên bi piştgiriya dewleta Tirk pêkanînên hovane li dijî welatiyan bi taybet li dijî jinan hatin kirin. Ev pêkanîn li dijî jinên bi lehengî li dijî terorê fedakarî kirine û roleke teware di parastina civakê û nirxên mirovahiyê lîstine de pêk hatin.
Koordînasyonê di daxuyaniyê de destnîşan kir ku ev 14 roj e dorpêçeke giran li Kobanê hatiye ferzkirin ku kehrebe, av, internet hatiye qutkirin, madeyên bingehîn, xurek, mazot û şîrê zarokan nemaye. Ji berê jiyana bi deh hezaran welatiyan nemaze ya zarokan di xeteriyê de ye.
Koordînasyonê anî ziman ku li Kobanê derdora 600 hezar kes dijîn, û rûbirûyî astengî û zehmetiyên mezin in.
Koordînasyona Jinan bang li civata navneteweyî, rêxistinên mirovî û hiqûqî kir ku bi erkên xwe yên yasayî û exlaqî rabin, hewlên bidawîkirina dorpêçê bikin, korîdoreke ji bo derbaskirina alîkariyên mirovî derbas bikin, vekin.
Kordînasyonê bang li gel kir ku li hember tevahî astengiyan hevgirtina xwe xurt bikin, jin erkên mezin ên parastina destkeftiyên xwe û mafên xwe hilgirtine.
