Ajansa TASS a Rûsyayê daxuyand ku balafira Amerîkayê ya Boeing P-8 Poseidon ên li dijî keştiyên-binavî û balafirên bêmirovî li nêzî qada asîmanî ya Îranê şopandine.
Çavkaniyek ji daîreyên çavdêriya tevgera asîmanî ji ajansa TASS a Rûsyayê re diyar kir ku balafira Boeing P-8 Poseidon ên li dijî keştiyên-binavî û balafirên bêmirovî li nêzî asîmanê Îranê difiriya, hat dîtin. Çavkanî bi bîr xist ku balafir li asîmanê Kendava Erebî û Kendava Umanê li nêzî mecala asîmanî ya Îranê bi bilindahiya 6 hezar metre hat dîtin.
Angaşta darbeya leşkerî
Li gorî agahiyan, balafirê xwedî wê şiyana bilind e ku çavdêriya rûberên fireh li bejahî û deryayê bike û erkên keşifkirinê di navbera 10 heya 15´an de rojane pêk tîne. Ev tevger, di demekê de îhtîmala derbeya leşkerî ya Amerîkayê li dijî Îranê heye pêk hat.
Îro li Îranê teqînên bi guman pêk hatibûn
Li Îranê ku bi boneya zext û zordariyên li ser gelan û rageşiya bi DYA û Îsraîlê re di nav tevliheviyek mezin de ye, li deverên cuda gelek teqînên bi guman pêk hatin. Li gorî dîmen û agahiyên çavkaniyên herêmî ragihandin li bajarên cuda teqîn pêk hatine lê sedema teqînan nehatiye zanîn.
