Çerçeveya Hemahengiya Şiî li dijî gefên Serokê Amerîkayê Donald Trump yên ser Nurî Malîkî civîn li dar xist û careke din diyar kir ku Nurî Malikî namzetê wan ê Serokomariya Iraqê ye û wiha got: “Gefên Donald Trump binpêkirina serweriya Iraqê ye.”
Serokê Amerîkayê Donald Trump di 28ê Çileya 2026an de Iraq hişyar kir ku heke Nurî Malîkî yê nêzî rejîma Îranê, bibe Serokomar dê Dewletên Yekbûyî yên Amerîkayê (DYA) piştevaniya xwe ya ji bo Iraqê rawestîne.
Li gorî agahiyên nûçeya Rojnewsê rêveberên Çarçoveya Hemahengiya Şiîyên Iraqê, li ser vê hişyariya Donald Trump civiya. Li gorî agahiyan rêveberên Çarçoveya Hemahengiyê li ofîsa Nurî Malikî kom bûne û tevî gefên Donald Trump ew biryar dane ku Nurî Malîkî endamê wan ê serokomariyê ye.
Çarçoveya Hemahengiya Şiiyên Iraqê derbarê biryara xwe de ev tişt gotin: “Em destwerdanên Amerîkayê bi tu awayî qebûl nakin. Her wiha gotinên Serokê DYAyê Donald Trump serweriya Iraqê binpê dike û mudaxile li karûbarên navxweyî yê Iraqê dike.”
