Serokwezîrê Kanadayê Mark Carney piştî 8 salan le gel muxalefeta Serokê Amerîkayê Donald Trump jî çû serdana Pekînê û Serokê Çinê Xi Jinping re hevdîtin pêk anî.
Serokwezîrê Kanadayê Mark Carney piştî 8 salan çû serdana Çînê. Serdan di 16ê Çileya 2026an de pêk hat. Li paytexta Çînê li Pekînê bi Serokê Çînê Xi Jinping re hevdîtin kir. Sedema ku ev serdan zêdetir bû rojev, nakokiyên di navbera Amerîka û Kanadayê de ne.
Donald Trump di kampanyeya hilbijartina dawî ya Amerîkayê de qala dagirkirina Kanadayê kir û piştî hat bijartin jî baca gumrikê ya li ser malên Kanadayê pir zêde kir. Ji ber van gengeşeyan nakokiyên nava her du welatan her diçe kûr dibe.
Hevkariya her du peravên Zerya Mezin
Serokwezîrê Kanadayê Mark Carney di hevdîtina bi Serokê Çînê Xi Jinping re pesnê vê hevdîtinê da û diyar kir ku ev hevdîtin piştî 8 salan pêk hat. Her wiha bi vê hevdîtinê ew “havkariyeke nû ya stratejîk” ava dikin.
Dostaniya pişt dijberiyê tê germkirin
Berya ku ev hevdîtin pêk bê aloziyên zêde di navbera Kanada û Çînê de hebû. Her du welatan li dij hev misîlemeyan kirin. Di vê çarçoveyê de Kanadayê li ser nav û hesabê Amerîkayê welatiyên Çînê girtin û Çînê jî ji bo bersivdayînê welatiyê Kanadayên kirin binçavan. Ev bersivên li dijî hev di qada bazirganiyê de hê zêdetir pêk hatin. Heta demeke dirêj di nava her du welatan de nakokî û aloziyên dîplomatîk rû dan.
Çîn û Kanada stratejiyê dirêsin
Serokwezêrê Kanadayê Mark Carney di civîna li Eywana Mezin ya Gel ya Çînê de xwest ev hevdîtin bibe sedema pêşxistina yekîtiya her du welatan ên stratejîk.
Xi Jinping: Rûpeleke nû dest pê dike
Serokê Çînê Xi Jinping di civînê de bal kişand ser civîna Cotmeha 2025an ya APECê û da zanîn ku ev civîn ji bo her du aliya xwedî roleke mîladî ye. Xi Jinping eşkere dike ku civîna sala borî ji bo pêşketina navbera her du welatan bû rûpeleke nû. Xi Jinping ji ber vê pêşketina erênî bextewariya xwe anî ziman.
Civîn û naveroka civînê bextewarî û razîbûna her du welatan destnîşan dike. Lê dixuye ku filaşekirina van hevdîtinan wateyên xwe yên din jî hene.
Stratejiya navbera Kanada û Amerîkayê diheje
Kanada û Amerîka 8 hezar 891 kilometre sînor parve dikin, endamên NATOyê ne, berdewama çanda Ewropayê ne û mutefîkên stratejîk in. Hevkariya pergala aborî û pergala leşkerî jî parçeyeke vê stratejiyê ne. Piştî siyaseta Serokê Amerîkayê Donald Trump danûstandinên navbera Kanada û Amerîkayê jî serobin dibe.
Piştî hevdîtina Mark Carney û Xi Jinping çav li siyaseta Amerîka û taybet jî li Donald Trump e. Li gorî hin derdorên pîspor dê Donald Trump li dij vê hevdîtinê siyaseta xwe ya li dij Kanadayê tûjtir bike. Li gorî hin analîstan jî dê encama vê lêgerîna Kanadayê bandor li Donald Trump bike û siyaseta xwe ya li dij Kanadayê û mutefîkên xwe yên din li ber çavan re derbas bike.
Raboriya gengeşiya Çîn û Amerîkayê
Kanadayê li se daxwaza Dewletên Yekbûyî yê Amerîkayê (DYA) qîza Damezrînerê şîrketa telefonên Huaweiyê girt û Çînê jî ji bo bersivdayînê du welatiyê Kanadayê bi hinceta casûsiyê girt. Piştî van her du bûyeran ji sala 2018an û şûnve têkiliyên her du welatan her ku çû xira bû.
Piştî siyaseta Donald Trump Amerîkayê baca gumrikê ya li ser malê Kanadayê yên wek hesin, aleminyum, alavên teknîkî û keresteyan pir zêde kir. Li ser vê biryara Washingtonê, Kanada neçer ma ku hin rê û rêbazên din ji bo xwe peyda bike.
