Yekîtiya Zanayên Îslamî ya Kurdistanê, derbarê rewşa krîtîk a taxên Şêx Meqsûd û Eşrefiyê yên Helebê daxuyaniyek da û Hikûmeta Demkî ya Sûriyeyê wekî rejîmek z’alim’ pênase kir. Yekîtiyê bang li hemû kurdan kir ku pişgiriyê bidin Rojavayê Kurdistanê.
Yekîtiya Zanayên Îslamî ya Kurdistanê, derbarê rewşa krîtîk a taxên Şêx Meqsûd û Eşrefiyê yên Helebê daxuyaniyek da. Di daxuyaniyê de hate diyarkirin ku tu têkiliya êrîşên Hikûmeta Demkî bi Îslamiyetê re nîn e. Serokê Yekîtiyê Abdullah Weysî, di daxuyaniya xwe de destnîşan kir ku kiryarên li dijî sivîlên Kurd ên li Helebê ne li gorî baweriya Îslamê ye û wiha axivî: “Ev êrîş bi tevahî li dijî prensîb û metnên şerîetê ne. Divê cîhan bizanibe ku Kurd li Helebê bi neheqiyeke mezin re rû bi rû ne.”
Yekîtiya Zanayên Îslamî bang li hemû aliyên pêwendîdar kir ku li dijî van binpêkirinan dengê xwe bilind bikin.
