Şîna ji bo mamosteyê Çapemeniya Azad Huseyîn Aykol li Amedê hatibû danîn di roja duyemîn de bi dawî bû.
Komeleya Rojnamegeran Dîcle Firatê (DFG) û Komeleya Rojnamegerên Jin a Mezopotamyayê (MKG) ji bo mamosteyê Çapemeniya Azad rojnameger-nivîskar Huseyîn Aykol ku jiyana xwe ji dest dabû, li avahiya DFGê ya semta Ofîsê ya Amedê şîn danîn. Şîna ku di roja duyemîn de berdewam kir gelek kesan serdana şînê kir. Gelek kes di şînê de lênûska ku ji bo bîranîna Huseyîn Aykol hatibû danîn hestên xwe nivîsandin.
Rêxistina DEM Partiyê ya Amedê, parlamenterên DEM Partiyê, nûnerên saziyên sivîl, hevşaredarên navçeyan û gelek xebatkarên çapemeniyê beşdarî şînê bûn. Li cihê şînê wêneyên Aykol hatin danîn.
Hevserokê DEM Partiyê yê Amedê Abbas Şahîn û parlamenter Adalet Kaya di serdanê de axivîn û qala têkoşîn û jiyana Huseyîn Aykol kirin.
Di dawiyê de edîtora Rojnameya Xwebûnê Xecê Şen axivî û diyar kir ku Huseyîn Aykol pêşengê Çapemeniya Azad û dengê heqîqetê bû û got: “Wî bi salan ji bo heqîqeta gelê Kurd û çareseriya pirsgirêkan têkoşîn kir. Mamoste Huseyîn di heman demê de bû dengê zindanan. Bi saya ked û xebata wî, bi salan nameyên girtiyan gihîştin civakê.”
Piştî serdanan û axaftinan şîna Aykol di roja duyemîn de bi dawî bû.
